Fampandrenesana

◼ Martsa: Ilay boky vaovao hoe Inona Marina no Ampianarin’ny Baiboly? Miezaha hanomboka fampianarana Baiboly. Aprily sy Mey: Ny Tilikambo Fiambenana sy Mifohaza! Rehefa manao fiverenana mitsidika ianao, dia tsidiho koa ireo nanatrika Fahatsiarovana sy fivoriana hafa, nefa mbola tsy tena miaraka amin’ny fiangonana. Miezaha hametraka ilay boky vaovao hoe Inona Marina no Ampianarin’ny Baiboly? Ataovy tanjona ny hanomboka fampianarana Baiboly amin’io boky io. Jona: Mianara Amin’ilay Mpampianatra Lehibe. Boky Fahasambaram-pianakaviana no atolotra ho an’ireo tsy manan-janaka.

◼ Misy faran’ny herinandro dimy amin’ny Aprily, ka tena tsara hanaovana ny asan’ny mpisava lalana mpanampy.

◼ Hatao ny alarobia 12 Aprily 2006 ny Fahatsiarovana. Raha mivory alarobia ny fiangonanareo, dia tokony hovana ho amin’ny andro tsy ampiasan’ny fiangonana hafa ny Efitrano Fanjakana ilay izy. Azo ampidirina ao amin’ny Fivoriana Momba ny Fanompoana hafa ireo anjara tena ilain’ny fiangonanareo, raha tsy mety io soso-kevitra io.

◼ Tokony hozaraina avy hatrany Ny Tilikambo Fiambenana sy Mifohaza!, raha vantany vao tonga ao amin’ny Efitrano Fanjakana. Amin’izay dia ho afaka hamaky azy ireo ny mpitory, alohan’ny hametrahany azy eny amin’ny saha. Tokony hozaraina avy hatrany koa Ny Fanompoantsika Ilay Fanjakana, raha vantany vao tonga. Azo zaraina any amin’ny Fianarana Boky izy ireny.

◼ Tsy mikarakara ny fanafarana boky alefan’ny mpitory isam-batan’olona ny biraon’ny sampana. Tokony hampanao fampandrenesana isam-bolana ny mpiandraikitra mpitantan-draharaha, alohan’ny handefasan’ny fiangonana ny fanafarany boky isam-bolana atỳ amin’ny sampana. Afaka manatona an’ilay rahalahy mpikarakara ny boky amin’izay ireo rehetra te hanafatra boky. Tadidio hoe boky inona avy no anisan’ireo zavatra hafarana manokana.