Fivoriana Momba ny Fanompoana
Herinandron’ny 8 Mey
10 min: Fampandrenesana eo an-toerana sy fampandrenesana sasany eo amin’ny pejy 6. Manaova fampisehoana roa miorina amin’ny fanoloran-kevitra eo amin’ny pejy 8, mba hametrahana Ny Tilikambo Fiambenana 15 Aprily sy ny Mifohaza! Aprily. Fianakaviana manao fanazaran-tena no ataovy fampisehoana.
20 min: “Manaraha Ahy Mandrakariva.”a Manadinadìna mpitory iray miezaka manatsotra ny fiainany sy mampandefitra izay hahasoa ny tenany mba hampandrosoana bebe kokoa ny asan’ilay Fanjakana sy hanompoana ny hafa. Asongadino ny fitahiana azony avy amin’izany.
15 min: Fitantarana. Asao ny mpanatrika hilaza ny fitahiana azony rehefa niezaka mafy tamin’ny fanompoana nandritra ny Martsa sy Aprily. Asongadino ny vokatra azo rehefa nanomboka fampianarana Baiboly sy nanampy ireo vaovao hanatrika Fahatsiarovana. Azo atao fampisehoana ny iray na roa amin’izany.
Herinandron’ny 15 Mey
10 min: Fampandrenesana.
10 min: Miara-miasa Amim-piraisan-tsaina eo Ambany Fitarihan’i Kristy. Lahateny miorina amin’ny fanazavana eo ambanin’ny lohatenikely hoe “Inona no dikan’ny hoe manaiky ny anjara asany?”, ao amin’ny boky Voalamina mba Hanao ny Sitrapon’i Jehovah, pejy 13-15.
25 min: “Lafiny Iray Lehibe Amin’ny Fanompoana Masina ny Fanorenana sy Fikojakojana ary Fanadiovana Efitrano Fanjakana.”b Vakio ny fehintsoratra 6, 7, 8 ary 10. Adinadino ny sasany amin’ireo nandray anjara tamin’ny fanorenana Efitrano Fanjakana.
Herinandron’ny 22 Mey
12 min: Fampandrenesana. Vakio ny tatitra momba ny kaonty sy ny fankasitrahana an’ireo fanomezana. Manaova fampisehoana roa miorina amin’ny pejy 8, mba hametrahana Ny Tilikambo Fiambenana 1 Mey sy ny Mifohaza! Mey. Ao amin’ny fampisehoana iray, dia asao ilay mpitory hametraka Ny Tilikambo Fiambenana 1 Mey sy 15 Mey ary ny Mifohaza! Mey, amin’ny olona fanaterany gazety mbola tsy nahazo Ny Tilikambo Fiambenana 1 Mey. Gazety iray ihany asongadina rehefa manolotra azy telo ireo. Afaka mitsidika indray mandeha na indroa isam-bolana an’ireo olona fanaterany gazety ny mpitory.
15 min: “Aoka Ianao Hiahy ny Olona ka ho Tsara Fanahy sy Hanaja Azy Ireny.”c
18 min: Fisehoana Ivelany Tsara. Fiaraha-midinika amim’ny mpanatrika, miorina amin’ny boky Sekolin’ny Fanompoana, pejy 131-133. Resaho ireo toro lalana dimy mifandray amin’ny fitafiana sy taovolontsika voatanisa ao. Lazao fa afaka mampiasa io fanazavana io isika mba hanampiana amim-pahaiza-mandanjalanja ny mpianatra Baiboly hahatakatra ny fomba fiakanjo mety rehefa mivory.
Herinandron’ny 29 Mey
10 min: Fampandrenesana. Ampahatsiahivo ny mpitory mba hamerina ny tatitra momba ny fanompoana Mey.
10 min: Atolory ny boky Mpampianatra amin’ny Jona. Manaova fampisehoana miorina amin’ny fanoloran-kevitra eo amin’ny pejy 3-4 amin’ny Fanompoantsika Ilay Fanjakana Janoary 2005, mba hametrahana ny boky Mianara Amin’ilay Mpampianatra Lehibe. Azo ampiasaina koa ny fomba fampiseho hafa mety handaitra eny amin’ny faritany. Raha ampy ny fotoana, dia asao ny mpanatrika hilaza ny vokatra tsara azony rehefa nampiasa ilay boky teny amin’ny saha na tamin’ny fianakaviany.
25 min: “Faly Satria Manana Fahalalana Marina Tsara Be dia Be.” Ataon’ny anti-panahy. Ampio ny mpanatrika mba hankasitraka bebe kokoa an’ilay Fanondroana Bokin’ny Vavolombelon’i Jehovah 1991-2000. Iaraho midinika mandritra ny valo minitra ny fehintsoratra 1-14. Ataovy fampisehoana maharitra telo minitra avy ny ohatra tsirairay eo amin’ny fehintsoratra 15-22 (fampisehoana 4). Iaraho midinika mandritra ny dimy minitra ny fehintsoratra 23-28, amin’ny farany.
Herinandron’ny 5 Jona
5 min: Fampandrenesana.
20 min: Fomba Hahitam-bokatra Rehefa Miverina Mitsidika. Fiaraha-midinika amin’ny mpanatrika, miorina amin’ny efajoro eo amin’ny pejy 16, amin’ny Tilikambo Fiambenana 15 Novambra 2003. Resaho ny tsirairay amin’ireo fanoloran-kevitra fito, ary asao ny mpanatrika hilaza ny fomba azo ampiharana azy ireo eo an-toerana. Ampirisiho hanao fiverenana mitsidika ny mpitory, mba hanombohana fampianarana Baiboly amin’ireo rehetra nandray zavatra hovakina na naneho fahalianana. Manaova fampisehoana miorina amin’ny fanoloran-kevitra eo amin’ny pejy 6 amin’ny Fanompoantsika Ilay Fanjakana Janoary 2006, mba hanasana ilay olona hianatra Baiboly rehefa miverina mitsidika.
20 min: “Ahoana koa no Azontsika Ampiasana ny Fanondroana?” Resaho mandritra ny dimy minitra aloha ireo lafiny mampiavaka ilay Fanondroana, eo amin’ny pejy 5 sy 6. Asongadino vetivety koa ny lisitry ny boky sy gazety ampiasaina ao amin’ny Fanondroana sy ny fanafohezana azy ireo. Ataovy fampisehoana avy eo ny fomba ampiasana ny Fanondroana, ka ampiasao ireo ohatra eo amin’ny pejy 6. Ataovy maharitra telo minitra eo ho eo ny fampisehoana tsirairay. Amin’ny farany, dia ampirisiho ireo rahalahy hampiasa ny Fanondroana rehefa mianatra samirery, manomana fivoriana, manao lahateny, ary koa rehefa mijery ireo fanontaniana napetraky ny olona teny amin’ny saha.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
b Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
c Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.