Manontany ny Tanora—Inona no Hataoko eo Amin’ny Fiainana? (Fizarana 1)
Tsy maintsy mandray fanapahan-kevitra lehibe ny tanora rehefa mihalehibe. Natao hanampiana azy ireo ilay video hoe Manontany ny Tanora—Inona no Hataoko eo Amin’ny Fiainana? Jereo ilay hoe Tantara Manontolo ao amin’ilay video, ary valio ireo fanontaniana eo amin’ny fehintsoratra faharoa. Fidio avy eo ny Fanadinadinana, ary jereo ilay hoe Jery Todika, alohan’ny hamaliana an’ireo fanontaniana eo amin’ny fehintsoratra fahatelo.
Tantara: 1) Inona no mampitovy ny zavatra niainan’i Timoty sy ny tanora kristianina maro ankehitriny? 2) Ahoana no nanerena an’i Andry ho lasa mpihazakazaka mahay? 3) Inona no nolazain’ny Rahalahy Fidy tamin’i Andry momba a) ny hoe manokan-tena ho an’i Jehovah sy ho an’ny fanatanjahan-tena? (Mat. 6:24) b) ny hoe inona no tena mahasambatra? d) ny zavatra tsaroany rehefa mijery an’ilay vilia nampiasainy tany amin’ny toby izy? e) ireo olona niaraka tamin’izy mivady teo amin’ilay sary? f) ny hoe nanenina ve izy rehefa tsy tanteraka ny nofinofiny? (Fil. 3:8) 4) Inona no navalin’ny bebeny azy rehefa nanontanian’i Andry hoe: “Diso ve aho raha te ho mpihazakazaka malaza?” (Lioka 4:5-7) 5) Tena afa-po ve i Andry rehefa nandresy tamin’ilay hazakazaka? 6) Inona no tianao tamin’ilay taratasy farany nosoratan’ny Rahalahy Fidy ho an’i Andry? (Ohab. 10:22) 7) Nanampy an’i Andry tamin’ny inona ny Rahalahy Fidy?
Jery Todika: 8) Inona no nokatsahin’ilay rahalahy sy ilay anabavy, ary nahoana? 9) Inona avy no zava-bitany tamin’izany? 10) Inona no fiovana lehibe teo amin’ny fiainan’izy ireo? (2 Kor. 5:15) 11) Inona no asa hafa nifantohan’izy ireo, ary inona no nahatonga azy ireo hiaiky fa tsy afaka nikatsaka zavatra roa izy ireo? 12) Nanenina ve izy ireo nanova ny tanjony teo amin’ny fiainana? 13) Inona tamin’ny tenin’izy ireo no nanampy anao hieritreritra tsara izay tokony hataonao eo amin’ny fiainana?
Jereo koa ireo Fanadinadinana hafa sy ilay hoe Fanampiny, ary miomàna hanome valin-teny amin’ny Fivoriana Momba ny Fanompoana amin’ny herinandro.