Efa Miomana Amin’ny Fahatsiarovana ve Ianao?
Telo ambin’ny folo Nisana taona 33 tamin’izay. Fantatr’i Jesosy fa takariva iray sisa no hiarahany amin’ny mpianany, alohan’ny hahafatesany. Hankalaza farany ny Paska miaraka amin’izy ireo izy, ary avy eo hanorina fankalazana vaovao iray, dia ny Sakafo Harivan’ny Tompo. Mila fanomanana ny fotoan-dehibe toy izany. Naniraka an’i Petera sy Jaona àry izy mba hanomana ny zava-drehetra. (Lioka 22:7-13) Mila miomana tsara koa ny Kristianina rehefa hankalaza ny Fahatsiarovana isan-taona. (Lioka 22:19) Inona avy àry no tokony hataontsika mba hiomanana amin’ny Fahatsiarovana amin’ny 3 Aprily?
Fanomanana ataon’ny mpitory:
Miomàna mba ho afaka handray anjara feno amin’ilay ezaka manokana hizarana fanasana.
Ataovy lisitra ny mpianatra Baiboly, havana, mpiara-mianatra, mpiara-miasa, olom-pantatra hafa, ary asao izy ireny.
Ataovy ny famakiana Baiboly amin’ny Fahatsiarovana ary saintsaino.
Miomàna handray tsara an’ireo vahiny rehefa tonga any amin’ilay toerana hanaovana Fahatsiarovana.