“Izao zavatra ary rehetra izao ao anatin’ny karandoha”
Milaza mazava toy izao ny mpanao fikarohana sovietika iray sy ny manam-pahaizana momba ny atidoha atao hoe Natalya Bekhtereva “Ny atidohan’ny olombelona dia izao zavatra ary rehetra izao ao anatin’ny karandoha. Io no hany faritra amin’ny tenan’ny olona izay afaka miasa, azo lazaina hoe amin’ny fomba tsy voafetra”.
Mba handraisan-tsoa avy amin’izany fahafahana hanao zavatra izany, dia tokony hampiasaina sy hozarina hiasa ny atidoha. Ary ny fianarana lehibe indrindra azon’ny olombelona ampiasana ny sainy dia ny amin’ny fikasan’ilay Mpamorona ny atidoha, Jehovah Andriamanitra.
Toy izao no nambaran’ny mpanoratra ny Ohabolana hendry: “Raha mitady azy [fahendrena] toy ny fitady volafotsy hianao, ary mikatsaka azy toy ny fikatsaka harena afenina, dia ho fantatrao marina ny fahatahorana an’i Jehovah, ary ho hitanao ny fahalalana an’Andriamanitra.” — Ohabolana 2:1-5.
Moa ve ianao mampiasa ny atidohanao mba hahitana izany “fahalalana an’Andriamanitra sarobidy izany”?