Avy Amin’ny Mpamaky

Fikambanan’ny Mpanao Heloka Bevava Sady mpanolo-tsaina momba ny fitandroana filaminana aho no mpikambana ao amin’ny Komitin’ny Fifarimbonan’ny Fokonolona sy ny Polisy. Hitako ho tena azo ampiharina sy mahasoa ireo tolo-kevitrareo momba ny fomba hiarovana ny fianakavian’ny tena amin’ny heloka bevava. (“Fikambanan’ny Mpanao Heloka Bevava — Misy Akony eo Aminao Izy Io”, ao amin’ny Mifohaza! 8 Martsa 1997). Efa nampitampita ilay gazety tamin’ireo mpikambana hafa ao amin’ilay komity aho. Mamelombelona ny mahafantatra fa indray andro any, dia hisy tontolo iray tsy hisian’ny heloka bevava.

C. E. J. A., Nizeria

Tena nanampy tokoa ireo lahatsoratra ireo, satria niara-nianatra ny Baiboly tamin’ny lehilahy iray izay tao anatin’ny fikambanan’ny mpanao heloka bevava nandritra ireo 11 taona lasa, aho. Voazava araka ny marina ireo zava-tsarotra entin’ny fanapaham-patorana amin’ny fikambanan’ny mpanao heloka bevava. Noho ny fanampian’i Jehovah, izy koa dia afaka miala, raha tapa-kevitra ny hanao izany izy.

A. M., Etazonia

Voninkazo Folo taona aho, ary tiako ny hisaotra anareo noho ilay lahatsoratra hoe “Ils le disent avec des fleurs”. (8 Martsa 1997, frantsay). Nampianatra ahy ny fomba hikarakarana ny voninkazo mba haharitra ela kokoa, izy io.

L. C., Italia

Nandritra ny taona maro, dia naniry hahafantatra ny fomba hihazonana ny voninkazo tsy ho simba aho, satria tiako be izy ireny. Kanefa, nalazo haingana loatra foana izy ireny. Tena nanampy ahy ireo fanipazan-kevitra ao amin’ny Mifohaza! Velom-pankasitrahana tokoa aho noho ny asa ataonareo.

J. P., Meksika