FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • g01 8/7 p. 30
  • Avy Amin’ny Mpamaky

Tsy misy video mifandray amin’io.

Miala tsiny fa tsy mety miseho ilay video.

  • Avy Amin’ny Mpamaky
  • Mifohaza!—2001
  • Mitovitovy Aminy
  • Avy Amin’ny Mpamaky
    Mifohaza!—2002
  • Avy Amin’ny Mpamaky
    Mifohaza!—2002
  • Avy Amin’ny Mpamaky
    Mifohaza!—1999
Mifohaza!—2001
g01 8/7 p. 30

Avy Amin’ny Mpamaky

Nifin-jaza Anisan’ny asako any amin’ny toeram-pitsaboana nify ny fampianarana ny reny hikarakara ny nifin-janany. Tena nanampy ahy ilay lahatsoratra hoe “Fiarovana ny Nify Mora Simba” (8 Aprily 2001), satria nohazavain’izy io fa mety hivadika ny ranon-javatra sasany ary mety hanimba nify koa ny bakteria. Izao dia mahazo an’io gazety io ny reny rehetra mankatỳ amiko, ary tsara dia tsara ny vokatr’izany!

T.C.S., Brezila

Ranjo Mihetsiketsika Foana Vao avy namaky ilay lahatsoratra hoe “Moa ve ny Ranjonao Mihetsiketsika Foana?” (8 Desambra 2000), aho. Efa 18 taona izao no nahavoan’io aretina io ahy, ary noheveriko fa izaho irery no voan’izy io. Nitomany aho matetika, satria kivy sady tsy ampy torimaso. Efa nampiasa fanafody isan-karazany koa aho. Mazava ho azy fa ny Fanjakan’i Jehovah ihany no tena vahaolana.

S. T., Ekosy

Gaga aho rehefa namaky io lahatsoratra io, satria nilazalaza ny manjo ahy mihitsy ilay izy. Na dia tsy nilaza aza ny dokotera fa RLS no mahazo ahy, dia mampahery ny mahafantatra fa misy olon-kafa miaritra an’io aretina io koa. Raha oharina amin’ny taloha, dia afaka miaritra tsara kokoa an’ilay aretiko aho izao. Koa satria haiko amin’izay ny tokony hatao rehefa manaintaina ilay izy, dia tony kokoa aho.

A. K., Japon

Telo amby efa-polo taona aho, ary mbola tsy mahita tory amin’ny alina, satria volivoly ny ranjoko sy ny tanako. Talohan’ny namakiako io lahatsoratra io, dia noheveriko fa izaho irery no voan’io aretina io. Tsy noeritreretiko mihitsy fa misy olon-kafa marary toa ahy. Misaotra anareo indrindra mamoaka lahatsoratra toy izany, manazava an’ireny aretina tsy mahazatra ireny.

D. L., Kanada

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara