Fantatrao Ve?

(Mamaly ireto fanontaniana ireto ny andinin-teny eo akaikiny; ary hita ao amin’ny pejy faha-16 ny valiny. Raha mila fanazavana fanampiny, dia jereo ny boky “Fahatakarana ny Hevitry ny Soratra Masina” [frantsay], navoakan’ny Vavolombelon’i Jehovah.)

1. Inona no “miady amin’ny fanahy”, araka ny tenin’i Petera? (1 Petera 2:11)

2. Inona no neken’i Nebokadnezara momba an’i Jehovah, rehefa nody ny sainy? (Daniela 4:31, 32)

3. Nahoana no tsy navelan’i Jesosy “hisy olona hitondra fanaka handeha hamaky ny kianjan’ny tempoly”? (Marka 11:16)

4. Inona no fanamby nataon’i Sankeriba mpanjakan’i Asyria tamin’i Hezekia mpanjakan’i Joda? (2 Mpanjaka 18:23)

5. Inona no nasain’i Jesosy natao, mifanohitra amin’ny fianianana ataotao foana? (Matio 5:37)

6. Inona no nandidian’ny Lalàn’i Mosesy hatao amin’izay olona mampirisika hivavaka amin’andriamani-kafa, na dia havana akaiky aza? (Deoteronomia 13:7-11)

7. Firy, tamin’ny farany, ny olo-marina tokony ho tao Sodoma sy Gomora, mba tsy handravana azy, araka ny nampanantenain’i Jehovah an’i Abrahama? (Genesisy 18:32)

8. Ahoana no nahafatesan’i Saoly? (1 Samoela 31:3, 4)

9. Nahoana i Oza no novonoina rehefa nanohana ny fiaran’ny fanekena tsy hianjera? (Nomery 4:15, 19, 20; 2 Samoela 6:6, 7)

10. Iza ilay tanànan’i Makedonia nomena anarana avy tamin’ny andriamanitra masoandron’ny Grika? (Asan’ny Apostoly 17:1)

11. Inona no teny ampiasain’ny Baiboly anondroana ny atsinanana? (Apokalypsy 16:12)

12. Firy taona no nanjakan’i Davida tamin’ny Isiraely?

13. Taiza i Jesosy no niala sasatra tamin’izy niresaka tamin’ilay vehivavy samaritanina? (Jaona 4:6)

14. Nahoana no tsy maintsy halavirina ny “fibedibedena foana”? (2 Timoty 2:16)

15. Iza no anaran’ireo zanak’i Noa telo lahy? (Genesisy 10:1)

16. Iza tamin’ireo Gadita mahery niisa 11, “niendaka hanatona an’i Davida” tany an’efitra, no “naharesy arivo”, na nitovy tamin’ny miaramila arivo? (1 Tantara 12:8-14)

17. Inona no teny mampiseho hatsaram-panahy nataon’i Jesosy tamin’ny mpianany rehefa nilaozan’izy ireo natory izy, tamin’ny alina talohan’ny nahafatesany? (Marka 14:38)

18. Iza no mpanjakan’ny Isiraely razamben’i Jesosy? (Romana 1:3)

19. Iza no anaran’ireo vehivavy efatra fantatra fa nandeha nankany amin’ny fasan’i Jesosy mba hanosotra zava-manitra ny fatiny? (Marka 16:1; Lioka 24:10)

Valin’ny Fanontaniana

1. “Filan’ny nofo”

2. “Mandrakizay” ny fanapahany, ary tsy misy mahasakana ny fikasany

3. Satria nanao hitsin-dalana tao amin’ny kianjan’ny tempoly izy ireo rehefa nandeha tany amin’ny toeran-kafa tao amin’ilay tanàna

4. Handray soavaly 2 000 sy hitady olona hitaingina azy

5. “Aoka ny teninareo ho Eny, eny; Tsia, tsia”

6. Hovonoina ho faty ilay olona

7. Folo

8. Voan’ny zana-tsipìkan’ny Filistinina izy ka naratra mafy, ary namono tena tamin’ny sabany

9. Tsy navelan’Andriamanitra hokasihin’ny olona tsy nanam-pahefana hanao izany na oviana na oviana ilay Fiara

10. Apolonia

11. “Avy any amin’ny fiposahan’ny masoandro”

12. 40

13. Teo amin’ny fantsakan’i Jakoba

14. ‘Mbola hampandroso ho amin’ny haratsiam-panahy ihany izy ireny’

15. Sema sy Hama ary Jafeta

16. Ezera

17. “Mety ihany ny fanahy, fa ny nofo no tsy manan-kery”

18. Davida

19. Maria Magdalena, Salome, Johana, ary Maria, renin’i Jakoba