Fantatrao ve?

(Hita ao amin’ny teny nalaina tao amin’ny Baiboly omena eo akaiky ny valin’izao fanontaniana izao, ary ao amin’ny pejy faha-31 ny lisitra feno misy ny valiny. Raha mila fanazavana fanampiny, dia jereo ny boky “Étude perspicace des Écritures”, navoakan’ny Vavolombelon’i Jehovah.)

1. Inona tamin’ny farany no nataon’i Davida mba hanarontsaronana ny fahotany tamin’i Batseba, rehefa nandamòka avokoa ny tetiny hafa rehetra? (2 Samoela 11:15-17)

2. Inona no nanamboarana ny vehivavy voalohany? (Genesisy 2:22)

3. Fihetsiky ny biby inona avy no nampitovin’i Petera amin’ny ataon’ireo mandao ny “làlan’ny fahamarinana”? (2 Petera 2:21, 22)

4. Tamin’ny andron’iza no nanomboka “niantsoana ny anaran’i Jehovah”? (Genesisy 4:26)

5. Iza no mpanjaka voalohany teo amin’ny Isiraely, ary iza no anaran-drainy? (Asan’ny Apostoly 13:21)

6. Teo ambanin’ny Lalàn’i Mosesy, firy, fara fahakeliny, ny vavolombelona nilaina mba hanamelohana olona ho faty? (Deoteronomia 17:6)

7. Araka ny nolazain’i Paoly, avy amin’iza no “ahazoan’ny fianakaviana rehetra any an-danitra sy etỳ an-tany anarana”? (Efesiana 3:14, 15)

8. Inona no nampahalaza an’i Jabala sy i Jobala, zanak’i Lameka? (Genesisy 4:20, 21)

9. Araka ny hamarinin’i Jakoba sy i Petera, iza no omen’Andriamanitra “fahasoavana”? (Jakoba 4:6; 1 Petera 5:5)

10. Tao amin’ilay fanoharana nataon’i Paoly ny amin’ny mpanefy tanimanga sy ny tanimangany, inona avy no teny ampiasainy mba hilazana ny ratsy fanahy sy ny tsara fanahy? (Romana 9:22-24)

11. Kaisara iza no nitarainan’i Paoly? (Asan’ny Apostoly 25:11, 21)

12. Teo ambanin’ny Lalàn’i Mosesy, zavatra roa inona avy no nanamarinana fa madio ka azo nohanina ny biby iray? (Levitikosy 11:2, 3)

13. Inona no litera voalohany amin’ny abidy hebreo? (Teny mampiditra ny Salamo faha-119)

14. Tsy maintsy nataon’ny Isiraelita ahoana ny sisin’ny fitafiany mba hampahatsiahivana azy ireo fa voatokana ho vahoaka masina ho an’i Jehovah izy ireo? (Nomery 15:38-41)

15. Ho fanarahana ny toromarik’i Jehovah, tanàna inona no nilaozan’i Abrama mba hivahiniana tany amin’ny tany Kanana? (Genesisy 15:7)

16. Nahoana i Simona fariseo no tezitra rehefa nahita ilay vehivavy nanoroka tamim-pitiavana ny tongotr’i Jesosy sy nanosotra azy tamin’ny menaka manitra? (Lioka 7:37-39)

[Efajoro, pejy 31]

Valin’ny Fanontaniana

1. Nataony izay hahafaty an’i Oria tany an’ady

2. Taolan-tehezana nalaina avy tamin’i Adama

3. Amboa sy kisoa vavy

4. Enosy

5. Saoly, Kisy

6. Roa

7. “Ny Ray”, Jehovah Andriamanitra

8. Izy ireo no rain’ny mpitoetra an-day miandry omby aman’ondry sy ny mpahay mozika

9. “Ny manetry tena”

10. “Fanaky ny fahatezerana” sy “fanaky ny famindrampo”

11. Néron

12. Tsy maintsy mandinika sy mivaky kitro

13. Alefa

14. Tsy maintsy nasiany somotraviavy ny sisin’ny fitafiany ary nasiany kofehy manga teo amin’ny somotraviavy

15. Oran’ny Kaldeana

16. Mpanota fanta-daza izy, naloto fitondran-tena kanefa navelan’i Jesosy hikasika azy