Fantatrao Ve?

(Mamaly ireto fanontaniana ireto ny andinin-teny eo akaikiny; ary hita ao amin’ny pejy faha-24 ny valiny. Raha mila fanazavana fanampiny, dia jereo ny boky “Fahatakarana ny Hevitry ny Soratra Masina” [frantsay], navoakan’ny Vavolombelon’i Jehovah.)

1. Nahoana no milaza i Isaia fa hariana ho an’ny ramanavy ny andriamani-bolamena sy volafotsy amin’ny andron’i Jehovah? (Isaia 2:20)

2. Nahoana no tsy navela nijinja tanteraka izay rehetra teny an-tsisin’ny tanimbariny ny Isiraelita? (Levitikosy 19:9)

3. Teo ambanin’ny Lalàn’i Mosesy, inona no tsy maintsy nataon’ny olona iray nanimba ny mason’ny andevony na nahafaka ny nifiny? (Eksodosy 21:26, 27)

4. Rahoviana vao mahazo miala ao amin’ny tanàna fandosirana ny olona iray nahafaty olona? (Nomery 35:25)

5. Firy andro taorian’ny nivavahan’i Kornelio tamin’Andriamanitra no tonga nitsidika azy i Petera? (Asan’ny Apostoly 10:30-33)

6. Araka ny nolazain’i Paoly, inona no tokony hatao ‘amin’izay olona mahatonga fisarahana sy fahatafintohinana’? (Romana 16:17)

7. Inona no aretina namelezan’i Satana an’i Joba mba hampivadika azy? (Joba 2:7)

8. Taiza no nanombohan’ny Isiraelita nihinana mana sy nanaraka ny lalàn’ny Sabata? (Eksodosy 16:1)

9. Inona no namonoan’i Ehoda an’i Eglona, mpanjakan’i Moaba? (Mpitsara 3:16)

10. Iza tamin’ny provansy romanina no nisy ny fiangonana fito nandefasan’i Jaona hafatra? (Apokalypsy 1:4)

11. Inona matetika no biby ampifandraisina amin’i Jesosy, ary nahoana? (Jaona 1:29)

12. Inona no iantsoana ny fitambaran’ny rano miavaka tsara amin’ny tany? (Habakoka 2:14)

13. Inona no zavatra tsy tantera-drano nampiasain’i Noa tamin’ny sambo fiara? (Genesisy 6:14)

14. Inona no nitranga tany an-danitra raha vao nanjaka i Jesosy? (Apokalypsy 12:7)

15. Iza ireo mpianatra roa nirahin’i Jesosy hikarakara ny Paska farany nankalazainy? (Lioka 22:7-13)

16. Inona ilay biby voalaza fa hotaingenan’i Jesosy rehefa hiditra ao Jerosalema amim-pandresena izy? (Zakaria 9:9)

17. Inona ilay bibikely ampirisihana mba hotahafin’ny kamo? (Ohabolana 6:6)

18. Inona no nitranga rehefa nampiasa ny sabany hiarovana an’i Jesosy i Petera? (Jaona 18:10)

19. Inona ilay bibikely notantavanin’ny Fariseo tsara mba tsy handoto azy ireo ara-pombafomba? (Matio 23:24)

20. Iza no voalaza fa nanome voninahitra ny zanany nihoatra noho i Jehovah? (1 Samoela 2:22, 29)

Valin’ny Fanontaniana

1. Satria toerana maizina sy maloto no mendrika an’ireny sampy ireny fa tsy toeram-boninahitra na toeram-pisandratana

2. Mba hisy hotsimponin’ny ory sy ny vahiny

3. Afahany ilay andevo

4. Rehefa maty ny mpisoronabe

5. Efatra andro

6. Hitandrina ny amin’izy ireny ary hiala aminy

7. Nasiany vay ratsy ny tenan’i Joba iray manontolo

8. Tany amin’ny efitra Sina

9. Sabatra roa lela

10. Asia

11. Zanak’ondry. Noho ny sorona nataony

12. Ranomasina

13. Dity

14. Ady niafara tamin’ny fandroahana an’i Satana avy tany an-danitra

15. Petera sy Jaona

16. Zana-boriky

17. Ny vitsika

18. Afaka ny sofina ankavanan’i Malko, mpanompon’ny mpisoronabe

19. Ny moka

20. Ely mpisoronabe