Fantatrao Ve?

(Mamaly ireto fanontaniana ireto ny andinin-teny eo akaikiny; ary hita ao amin’ny pejy faha-27 ny valiny. Raha mila fanazavana fanampiny, dia jereo ny boky “Fahatakarana ny Hevitry ny Soratra Masina” [frantsay], navoakan’ny Vavolombelon’i Jehovah.)

1. Iza no nanafina ireo mpaminany 100 tao anaty zohy, rehefa nasain’i Jezebela novonoina ny mpaminanin’i Jehovah? (1 Mpanjaka 18:3, 4)

2. Na dia ilay demonia navoakan’i Jesosy tamin’ilay lehilahy tao amin’ny synagogan’i Kapernaomy aza, dia nahafantatra anaram-boninahitr’i Jesosy iray. Inona izy io? (Lioka 4:34)

3. Iza no anaran’ny vadin’i Naomy? (Rota 1:3)

4. Iza avy ireo mpanapaka romanina dimy notanisain’i Lioka, rehefa namaritra ny fotoana nanombohan’i Jaona Mpanao batisa ny fanompoany izy? (Lioka 3:1)

5. Nitodika taiza ny tabernakely sy ny tempoly? (Nomery 3:38)

6. Firy ny zanak’i Jese, ary fahafiry i Davida? (1 Samoela 17:12, 14)

7. Nahoana no nametraka fanontaniana tamin’i Jesosy ny Fariseo? (Matio 22:15)

8. Iza ilay tanàna filistinina nalehan’i Samsona, mba hakana ireo fitafiana 30 homena izay ‘nahalala’ ilay fampanononana? (Mpitsara 14:19)

9. Tahaka ny inona ilay zavamananaina faharoa tao amin’ny fahitan’i Jaona momba ny seza fiandrianan’i Jehovah? (Apokalypsy 4:7)

10. Iza ilay firenena tsy noravan’i Jehovah, rehefa nahafoy ny lalany ratsy ny mpanjaka sy ny mponina tao aminy? (Jona 3:1-10)

11. Nahoana isika no ampirisihina ‘hanaiky ny mpitondra’ eo anivon’ny fiangonana? (Hebreo 13:17)

12. Iza ilay naminany hoe “hiantso ny tsy oloko hoe oloko Aho”, mba hilazana fa handa ny Isiraely ara-nofo Andriamanitra, fa hifidy ny Isiraely ara-panahy? (Romana 9:25)

13. Inona no namatoran’ilay anjely an’i Satana ao amin’ny fahitan’i Jaona? (Apokalypsy 20:1)

14. Nahoana i Akoila sy Prisila no niala tany Roma ka nankany Korinto? (Asan’ny Apostoly 18:2)

15. Nahoana no ara-drariny foana ny fahatezeran’i Jehovah? (Josoa 7:1)

16. Nampitovin’i Isaia tamin’ny inona ireo ratsy fanahy tafasaraka tamin’Andriamanitra? (Isaia 57:20)

17. Iza ilay mpanjaka jodianina nanjaka farany tany Jerosalema? (2 Mpanjaka 24:18)

18. Nanoratra tamin’ny inona ireo mpaminany tany am-boalohany? (Isaia 8:1)

19. Rehefa nisy mpanora-dalàna nilaza fa hanaraka an’i Jesosy, na aiza na aiza halehany, inona no nolazain’i Jesosy mba hampisehoana fa hahita zava-tsarotra ny mpanara-dia azy? (Lioka 9:58)

20. Iza ilay mpanjakan’i Moaba ratsy fanahy izay be kibo, ka tafalentika tanteraka tany ny sabatra natsatok’i Ehoda? (Mpitsara 3:17-22)

21. Inona no nanontanian’i Kleopasy an’i Jesosy, satria tsy nampino azy hoe tsy fantatr’i Jesosy ny zavatra vao nitranga tany Jerosalema? (Lioka 24:18)

[Efajoro, pejy 27]

Valin’ny Fanontaniana

1. I Obadia, ilay mpitandrin-draharaha tao an-dapa

2. “Masin’Andriamanitra”

3. Elimeleka

4. Tiberio Kaisara, Pontio Pilato, Heroda Antipasy, Filipo rahalahiny, ary Lysania

5. Atsinanana

6. Valo; faralahy

7. ‘Mba hamandrihana azy amin’ny teniny’

8. Askelona

9. Tahaka ny “zanak’omby”

10. Ninive

11. Mba ho ‘faly’ izy ireo fa tsy ‘hisento’ rehefa hampamoahina, fa “tsy hahasoa” antsika izany

12. Hosea

13. “Gadra lehibe”

14. Satria i Klaodio nandidy ny Jiosy hiala tany Roma

15. Voaporofo fa araka ny rariny foana izy io, voafehy, ary mifanaraka amin’ny fitiavany sy ny fahendreny ary ny fitiavany ny rariny

16. Ranomasina misamboaravoara

17. Zedekia

18. Fafana

19. “Ny Zanak’olona tsy mba manana izay hipetrahan’ny lohany”

20. Eglona

21. “Hianao irery va no vahiny mitoetra any Jerosalema?”