Fantatrao Ve?
(Mamaly ireto fanontaniana ireto ny andinin-teny eo akaikiny; ary hita ao amin’ny pejy 27 ny valiny. Raha mila fanazavana fanampiny, dia jereo ny boky “Fahatakarana ny Hevitry ny Soratra Masina” [frantsay], navoakan’ny Vavolombelon’i Jehovah.)
1. Inona no didy nomen’i Josafata Mpanjaka an’ireo mpitsara noho izy ireo nisolo tena an’i Jehovah fa tsy ny olona, rehefa avy nohatsarainy ny rafi-pitsarana? (2 Tantara 19:7)
2. Iza no hisolo tena an’i Kristy sy hanatanteraka ny toromariny eto an-tany, rehefa hiaraka aminy any an-danitra ao amin’ny Fanjakany arivo taona, ireo mpanjaka sy mpisorona lefitra? (Salamo 45:16)
3. Avy aiza ireo apostoly mahatokin’i Jesosy iraika ambin’ny folo? (Lioka 4:14)
4. Inona no zavatra nangatahin’i Josoa mba hanampiana ireo Gibeonita natao fahirano, ka nahafahana nandresy ny Amorita? (Josoa 10:12, 13)
5. Ahoana no iantsoana ny Ranomasina Maty ao amin’ny Baiboly? (Deoteronomia 3:17)
6. Nahoana i Hamana no nitetika ny hamono ny Jiosy rehetra tany amin’ny Fanjakana Persanina? (Estera 3:5, 6, 10)
7. Inona no hevitra naroson’i Rabsake mpitondra tenin’i Sankeriba mba hampirisihana an’i Hezekia hitolo-batana? (2 Mpanjaka 18:33-35)
8. Iza avy ireo mpaminany roa nisongadina nandritra ny fanjakan’i Davida? (2 Samoela 12:1; 24:11)
9. Inona no noforonin’Andriamanitra tamin’ny andro faharoa? (Genesisy 1:7)
10. Taiza ny Isiraelita rehefa naniraka ireo mpisafo tany roa ho any Jeriko i Josoa? (Josoa 2:1)
11. Inona avy no fangaron’ny “diloilo fanosorana masina”? (Eksodosy 30:23-25)
12. Inona no nomen’i Belsazara an’izay afaka nanazava ny hevitr’ilay sora-tanana teo amin’ny rindrina? (Daniela 5:7)
13. Inona ilay bibikely mazoto miasa sy hendry resahin’ny Baiboly? (Ohabolana 6:6)
14. Iza ilay mpanjakan’i Joda niady tamin’ny miaramila etiopianina iray tapitrisa? (2 Tantara 14:8, 9)
15. Inona ilay biby miverina amin’ny loany, ampitahana ny olona adala miverina amin’ny hadalany? (Ohabolana 26:11)
16. Iza ireo renirano roa ao Damaskosy noheverin’i Namana fa “tsara noho ny ranon’ny Isiraely rehetra”? (2 Mpanjaka 5:12)
17. Ahoana no nanakianana an’i Jesosy rehefa nilaza izy fa hitoetra ao an-tranon’i Zakaiosy, mpamory hetra? (Lioka 19:7)
18. Firy ny Asyrianina novonoin’ny anjely iray tao anatin’ny indray alina? (2 Mpanjaka 19:35)
19. Ahoana no nanasazian’Andriamanitra ireo ‘anjely nanota’, araka ny noresahin’i Petera? (2 Petera 2:4)
[Efajoro, pejy 27]
Valin’ny Fanontaniana
1. “Tandremo ka ataovy izany, fa tsy mba misy heloka amin’i Jehovah Andriamanitsika, na fizahan-tavan’olona, na fandraisana kolikoly”
2. Mpanapaka
3. Galilia
4. Mba hijanonan’ny masoandro sy ny volana
5. “Ny ranomasina amin’ny tani-hay, dia ny Ranomasin-tsira”
6. Nantsoina hoe “Agagita” i Hamana. Azo inoana mihitsy àry fa taranaky ny Amalekita, izay tokony hofongorana noho ny fankahalany ny Jiosy izy
7. Nilaza izy fa tsy afaka mamonjy an’i Jerosalema i Jehovah, toy ny andriamanitry ny firenena efa nobaboiny
8. Natana sy Gada
9. “Ny habakabaka”
10. Tany Sitima, teo amin’ny tany lemak’i Moaba
11. Miora, havozomanitra, veromanitra, kasia, sy diloilon’oliva
12. Akanjo volomparasy, rojo volamena ary ho anisan’ireo mpanapaka telo lahy amin’ny fanjakana
13. Ny vitsika
14. Asa Mpanjaka
15. Ny alika
16. “Abana sy Farpara”
17. “Lasa nandeha hiantrano amin’izay lehilahy mpanota Izy”
18. 185 000
19. Noroahina ho any amin’ny helo na Tartara