Inona no tokony hataonao?

50 Te ho velona mandrakizay ao amin’izany paradisa mahafinaritra izany ve ianao?

Mianara bebe kokoa àry momba izay lazain’Andriamanitra. Miezaha mianatra mamaky ny Baiboly.—Jaona 17:3; Apokalypsy 1:3

51 Mianara bebe kokoa ny amin’i Jesosy.—Deoteronomia 18:18, 19; Jaona 3:16; Asan’ny Apostoly 3:19-23

52 Miezaha hanao zavatra tsara foana sy hankatò an’i Jehovah.—Romanina 6:17, 18, 22

53 Tadidio fa nilaza i Jehovah hoe tsy mahazo mamono olona isika.—Eksodosy 20:13; 1 Jaona 3:11, 12

54 Tsy mahazo maka zavatr’olona isika.—Eksodosy 20:15; Efesianina 4:28

55 Tsy tokony hiara-miaina sy hiara-mandry amin’ny vehivavy iray ny lehilahy iray raha tsy hoe tena vadiny izy io.—Eksodosy 20:14, 17; 1 Tesalonianina 4:3

56 Tadidinao ve hoe firy no vady avelan’Andriamanitra hananan’ny lehilahy iray? Hafiriana ny lehilahy no tokony hijanona miaraka amin’ny vadiny?—Genesisy 2:22, 24; Matio 19:5, 6; 1 Korintianina 7:2, 10, 11

57 Tadidio koa fa i Jehovah irery ihany no tokony hotompointsika.—Matio 4:10; 1 Korintianina 8:6

58 Tsy afaka manampy antsika ny sampy sy ny sary. Nahoana?—1 Korintianina 8:4

Tsara ve ny manana sampy?—Deoteronomia 27:15; 1 Jaona 5:21

59 Nahoana no ratsy ny mitana sy mampiasa ody?—Deoteronomia 18:10-13; Apokalypsy 21:8

60 Nikomy tamin’Andriamanitra ireo anjely ratsy, na demonia. Mampiasa mpimasy manambara ny hoavy izy ireo mba hamitahana ny olombelona.—Asan’ny Apostoly 16:16

61 Tsy maintsy mivavaka amin’Andriamanitra isika. Ny atao hoe mivavaka dia miresaka amin’Andriamanitra, milaza aminy fa te hanompo azy isika, ary mangataka ny fanampiany.—Filipianina 4:6, 7

62 Tsy maintsy mankatò an’i Jesosy isika ary maneho finoana azy.—Hebreo 5:9; Jaona 3:16

63 Tadidio fa maty mba hamonjy antsika izy.—Romanina 5:8

64 Tadidio fa i Jesosy no Mpanjakantsika tsy hita maso.

Tokony hankatò azy isika.—Filipianina 2:9-11; Apokalypsy 19:16

65 Nilaza i Jesosy fa tokony horesahinao amin’ny hafa ny zavatra tsara ianaranao. Nilaza koa izy fa izay te hanompo an’Andriamanitra dia tokony hatao batisa.—Matio 28:19, 20; Jaona 4:7-15

66 Koa azonao resahina amin’ny namanao ireny zavatra tsara ireny.—Matio 10:32

67 Raha mianatra mamaky teny tsara ianao, dia ho afaka hianatra zavatra betsaka kokoa ary hahay hanampy ny hafa tsaratsara kokoa.—2 Timoty 2:15

68 Nampianatra ny ankizy kely koa i Jesosy mba hankatò an’Andriamanitra. Tsy mba sahirana loatra mihitsy izy ka hoe tsy afaka niresaka tamin’izy ireny.—Matio 19:13-15

69 Ny ray aman-dreny dia tokony hampianatra mandrakariva ny zanany mba hankatò an’Andriamanitra sy ho tia azy.—Deoteronomia 6:6, 7; Ohabolana 6:20-22; Efesianina 6:4

70 Misy fiangonana maro samy hafa. Maro amin’ny fampianaran’izy ireny no tsy avy ao amin’ny Baiboly. Milaza amintsika i Jehovah mba hiala amin’ny fivavahana tsy mampianatra ny fahamarinana.—Apokalypsy 18:4; Jaona 4:23, 24

71 Manana vahoaka eto an-tany i Jehovah, ary izy ireo dia afaka mampianatra anao bebe kokoa ny momba azy. Fantatrao ve hoe iza izy ireo?—Asan’ny Apostoly 15:14; Romanina 10:14, 15

72 Ny Vavolombelon’i Jehovah izy ireo. Mihavana tsara izy ireo. Fantatrao ve hoe nahoana? Satria mifankatia izy ireo.—Isaia 43:10-12; Jaona 13:34, 35

73 Tia an’i Jehovah koa izy ireo, ka natao batisa. Amin’izany no ampisehoany amin’ny besinimaro fa niala tamin’ny fomba fiainany ratsy izy ary te handany ny fiainany hanompoana an’Andriamanitra.—Asan’ny Apostoly 2:41

74 Manantena ny hiaina ao amin’ny paradisa vaovao mahafinaritra ny Vavolombelon’i Jehovah.—Salamo 37:9-11, 29

Inona no azonao atao mba hiainana ao miaraka amin’izy ireo?—Jakoba 1:22, 25; 2:20-26

75 Miaraha amin’izy ireo mianatra manompo an’i Jehovah. Tia sy mankatò an’i Jehovah sy Kristy Jesosy izy ireo. Tia an’i Jehovah sy Jesosy koa ve ianao? Tianao ve ny hanampy ny hafa hahafantatra ny amin’Andriamanitra?—Jaona 6:45-47

76 Tia anao i Jehovah sy Kristy Jesosy ary maniry ny hiainanao mandrakizay ao amin’ny paradisa.—Jaona 3:16

Azo antoka fa nanjary te hifaly amin’ny fiainana eto an-tany mandrakizay ianao noho izay nianaranao avy tamin’ireo sary sy fanazavana tato amin’ity bokikely ity. Raha te hianatra bebe kokoa ny amin’izany ianao, dia toroanay hevitra mba hiresaka amin’ny Vavolombelon’i Jehovah iray eo an-toerana. Na, azonao atao ny manoratra na mangataka olona hanoratra ho anao, any amin’ny birao akaiky indrindra ny misy anao, araka ny adiresy vita lisitra ao amin’ny pejy faharoa amin’ity bokikely ity.