Handringana indray ny olona ratsy ve Andriamanitra?

22 Tena ratsy koa ny olona amin’izao fotoana izao. Inona avy ireo zavatra ratsy atao eto?

23 Misy olona mamono ny hafa. Milaza Andriamanitra fa tsy mahazo manao izany ianao.—Eksodosy 20:13; 1 Jaona 3:11, 12

24 Ny sasany mangalatra. Milaza Andriamanitra fa tsy mahazo mangalatra ianao.—Eksodosy 20:15; Efesianina 4:28

25 Misy olona manana vady maro. Ny hafa miara-miaina amin’ny vehivavy roa na mihoatra, izay samy manana ny tranony avy. Misy koa lehilahy sy vehivavy miray trano nefa tsy mpivady ara-dalàna. Mifanohitra amin’izay lazain’ny Baiboly izany rehetra izany.—Matio 19:4-6; 1 Korintianina 7:1-4; 1 Timoty 3:1, 2

26 Tadidinao ve fa vady iray monja no nomen’Andriamanitra an’i Adama?—Genesisy 2:22, 24

27 Misy olona mivavaka amin’ny sampy. Milaza Andriamanitra fa tsy mahazo mampiasa sampy na sary ianao rehefa mivavaka aminy.—Eksodosy 20:4, 5; Isaia 44:9-17; 1 Jaona 5:21

28 Haringan’i Jehovah ny olona ratsy tsy miova.—Salamo 37:9, 10; Lioka 13:5; 1 Korintianina 6:9, 10