Vehivavy Modely—Ilay Vehivavy Nahantra
Tao amin’ny tempoly i Jesosy, ary nijery ny mpanankarena nandrotsaka vola tao amin’ny vata fandatsaham-bola. Nahatazana vehivavy iray maty vady sady nahantra izy. “Vola madinika roa faran’izay kely vidy” no mba nomen’izy io. (Lioka 21:2) Nidera azy anefa i Jesosy. Nahoana? Satria ny hafa nanome “avy tamin’ny ambim-bavany, fa ravehivavy kosa na mahantra aza, dia nandatsaka izay rehetra nananany, dia ny fivelomany rehetra.”—Marka 12:44.
Ny fivavahana marina no zava-dehibe indrindra tamin’io vehivavy io. Ary ianao? Vonona ny hampiasa ny fotoananao sy ny volanao hanompoana an’Andriamanitra ve ianao? Afaka manahaka an’ilay vehivavy ianao, ka manome vola hikojakojana ny Efitrano Fanjakana sy Efitrano Fivoriambe. Afaka mampiasa ny fotoananao sy ny volanao koa ianao, mba hanampiana olona hianatra momba an’i Jehovah Andriamanitra. Voamarik’i Jehovah, ary nahafaly azy ny nataon’ilay vehivavy. Ho faly koa izy ary hanampy anao, raha ny fanompoana azy no zava-dehibe indrindra aminao.—Matio 6:33.