Ny Tilikambon’i Babela

Nanan-janaka be dia be ny zanak’i Noa taorian’ny Safodrano, dia lasa nihabetsaka ny olona teto an-tany. Niparitaka tany amin’ny faritra samy hafa ry zareo, satria izay no nasain’i Jehovah nataony.

Nisy olona tsy nankatò an’i Jehovah anefa. Hoy ry zareo: ‘Andao isika hanorina tanàna iray eto dia hijanona eto e! Dia hanao trano anankiray avo be tonga hatreny amin’ny lanitra isika. Amin’izay isika lasa malaza be.’

Tena tsy faly tamin’izany i Jehovah, dia nanapa-kevitra hoe tsy havelany hanohy hanamboatra an’ilay trano ry zareo. Inona àry no nataony? Nataony tsy nitovy tampoka teo ny fitenin’ny olona. Lasa tsy nifankahazo resaka àry ry zareo, dia najanony ilay fanorenana. Natao hoe Babela ny anaran’ilay tanàna. “Fisafotofotoana” no dikan’izany. Nanomboka nifindra ny olona tao, dia niparitaka eran-tany. Nanao ratsy foana anefa ry zareo tany amin’izay toerana vaovao nipetrahany. Ary mbola nisy olona tia an’i Jehovah ihany ve? Ho hitantsika ao amin’ny toko manaraka izany.