ADONIKAMA

(Adônikàma) [Ny Tompo (Tompoko) dia Nitsangana [izany hoe mba hanampy]].

Razamben’ny fianakaviambe iray teo amin’ny Israely. Nisy 600 mahery ny olona tamin’io fianakaviambe io no niverina tany Jerosalema niaraka tamin’i Zerobabela taorian’ny sesitany tany Babylona. (Ezr 2:13; Ne 7:18) Nisy olona 63 tamin’io fianakaviambe io koa niaraka tamin’i Ezra nankany Jerosalema tamin’ny 468 T.K. (Ezr 8:13) Nitondra ny anarana hoe Adonia io fianakaviambe io, rehefa nanisy tombo-kase an’ilay “fianianana” na fanapahan-kevitra tamin’ny andron’i Nehemia ny solontenan’ny fianakaviambe rehetra.​—Ne 9:38; 10:16.