ASTARTA, II

(Astàrta).

Tanàna tany amin’ny faritr’i Basana. Maro no mihevitra azy io ho i Tell ʽAshtarah, tokotokony ho 32 km any atsinanan’ny Ranomasin’i Galilia. Misy havoana iva voahodidina lemaka azon-drano tsara any. Hita amin’ilay anarana fa mety ho tao ny foiben’ny fivavahana tamin’ny andriamanibavy Astarta.

Isaky ny manonona ny tanànan’i Astarta ny Baiboly, dia voaresaka foana i Oga mpanjaka goavam-be tao Basana izay voalaza fa nanjaka “tany Astarta, tany Edrehy.” (De 1:4; Js 9:10; 12:4; 13:12) Tamin’ny voalohany, dia nomena ho an’ny Makirita anisan’ny fokon’i Manase i Astarta, rehefa resy i Oga Mpanjaka. Lasa tanànan’ny Levita Gersonita anefa izy io tatỳ aoriana. (Js 13:29-31; 1Ta 6:71) Antsoina hoe Bestera ilay tanàna ao amin’ny Josoa 21:27, izay mifanitsy amin’ny 1 Tantara 6:71.

Miresaka an’io tanàna io koa ny soratra asyrianina sy ireo Takelaka Hita tao Amarna.