SODINA MISY KITAPON-DRIVOTRA

Resahin’ny Daniela 3:5, 10, 15 izy io, ary avy amin’ny hoe sompônyah (aram.), izay nadika hoe “farara” (Kat., DIEM), “symponia” (Prot., JM), nefa koa hoe “sodina misy kitapon-drivotra”, araka ny Baiboly maoderina sy ny Lexicon in Veteris Testamenti Libros.​—Nataon’i Koehler sy Baumgartner, Leyde, 1958, p. 1103.

Angamba hoatran’ny sodina misy kitapon-drivotra tsotra fampiasan’ny Tatsinanana ankehitriny ilay sompônyah. Mihidy ilay kitapo, izay hoditr’osy tsy misy tongony na rambony na lohany saingy mbola misy volony matetika. Misy fantsona fampidiran-drivotra sy sodina bararata ary sodina vita amin’ny tendrona tandrok’omby ilay izy.