ELIASIBA

(Eliasìba) [Ny Andriamanitro dia Namerina (Nampody)].

1. Levita taranak’i Arona. Nampiandraiketina ny antoko-mpisorona faha-11 izy rehefa natao ny antsapaka, tamin’ny andron’i Davida.​—1Ta 24:1, 5, 6, 12.

2. Rain’i Johanana.​—Ezr 10:6.

3. Levita mpihira tao an-tempoly anisan’ny nandroaka ny vadiny hafa firenena, tamin’ny andron’i Ezra.​—Ezr 10:16, 17, 23, 24, 44.

4. Taranak’i Zato anisan’ny nandroaka ny vadiny hafa firenena koa.​—Ezr 10:16, 17, 27, 44.

5. Taranak’i Bany anisan’ny nandroaka ny vadiny hafa firenena koa.​—Ezr 10:16, 17, 34, 36, 44.

6. Zafikelin’i Jesoa niara-niverina tamin’i Zerobabela avy tany an-tsesitany tany Babylona. Mpisoronabe tamin’ny andron’i Nehemia izy, ary nanorina indray ny Vavahadin’ondry tamin’ny mandan’i Jerosalema izy sy ny mpisorona. (Ne 12:1, 10; 3:1) Nandoto ny tempoly izy rehefa nanao efitra fisakafoana ho an’i Tobia Amonita (havany) tao an-tokotany, tamin’i Nehemia tsy teo. Rehefa tonga i Nehemia, dia natsipiny tany ivelan’ilay efitra ny fanak’i Tobia, ary nasainy nodiovina ireo efitra fisakafoana. Noroahiny koa ny iray tamin’ny zanakalahin’i Joiada zanak’i Eliasiba, satria nanambady ny zanakavavin’i Sanbala Horonita.​—Ne 13:4, 5, 7-9, 28.

7. Zanakalahin’i Elioenay, ary taranak’i Davida Mpanjaka.​—1Ta 3:1, 5, 10, 24.