ELNATANA

(Elnatàna) [Andriamanitra dia Nanome].

1. Rain’i Nehosta renin’i Joiakina Mpanjaka. (2Mp 24:8) Toa izy ihany ilay Elnatana voalaza fa “zanak’i Akbora”, izay nirahin’i Joiakima Mpanjaka mba hankany Ejipta haka an’i Oria mpaminany. (Je 26:22, 23) Mahaliana fa nahitana ny anaran’i Elnatana teo amin’ny Vakin-tanimanga Tany Lakisy (laharana III), izay nosoratana tamin’izany fotoana izany. Toy izao ilay soratra hita teo: “Nidina nankany Ejipta i Konia zanak’i Elnatana mpitari-tafika.”​—Soratra Momba An’i Israely sy ny Tany Manodidina Azy, nataon’i J. Pritchard, 1974, p. 322.

2, 3, 4. Lehilahy telo no antsoin’ny bokin’i Ezra hoe Elnatana. Voalaza fa samy “lohandohany” ny roa, ary mpampianatra ny iray. Teo amin’ilay renirano mankany Ahava, talohan’ny nanaovana ny dia nankany Jerosalema, dia nanome baiko azy ireo i Ezra mba ho any amin’i Ido sy ireo Netinima tao Kasifia, ka hitondra olona hanompo ao an-tranon’Andriamanitra. Maro ny Levita sy Netinima namaly ny antso.​—Ezr 8:15-20.