GE-HARASIMA

(Ge-harasìma) [Lohasahan’ny Mpanao Asa Tanana].

Anarana niantsoana lohasaha iray noho ireo mpanao asa tanana nonina tao. (1Ta 4:14) I Joaba no ‘rain’ny’ mponina tao Ge-harasima na nanorina ny tanàna tao. Azo inoana anefa hoe tsy ilay Joaba tamin’ny andron’i Davida izy io. Nisy Benjamita nonina tao Ge-harasima, taorian’ny sesitany tany Babylona. (Ne 11:31, 35) Misy mpahay jeografia milaza azy io ho ny Lohasaha Falehan-driaka esh-Shellal, izay lohasaha lehibe eo atsimoatsinanana kelin’i Tel Aviv-Yafo. Misy indray milaza azy io ho i Sarafand el-Karab, izay any atsimoandrefan’ny Lohasaha Falehan-driaka esh-Shellal.