MAROTOA

Fiasana ikapohana na andentehana zavatra; tantanana. Nampiasaina izy io handentehana fantsika (Je 10:4) sy fantsika be fanenjanan-day (Mpts 4:21), hamakiana vato ary hanefena vato voapaika hanaovana fanorenana (1Mp 6:7) sy metaly hanaovana sampy.​—Is 41:7; 44:12.

Vato, metaly, na hazo ny lohana marotoa. Toa hazo ilay marotoa na tantanana nandentehan’i Jaela an’ilay fantsika be fanenjanan-day tao amin’ny fihirifan’i Sisera.​—Mpts 4:21; 5:26.

Oharina amin’ny marotoan’ny mpanefy manapotipotika harambato ny didim-pitsaran’i Jehovah. (Je 23:29) Toy ny marotoan’ny mpanefy nanorotoro firenena sy fanjakana koa i Babylona, teo an-tanan’i Jehovah.​—Je 50:23; ampit. Je 25:8, 9, 17-26.