HOFINIA

(Hofinìa) [avy amin’ny teny ejipsianina, ary midika hoe “Tsiboboka”].

Iray tamin’ireo zanakalahin’i Ely Mpisoronabe. “Olona tsy manjary” i Hofinia sy Finehasa rahalahiny. Nanazimbazimba zava-masina izy ireo, sady tena naharikoriko ny fitondran-tenany. (1Sa 1:3; 2:12-17, 22-25) Nivadika tamin’i Jehovah i Hofinia, tamin’izy mbola mpisorona nanompo tao amin’ny toerana masina. Nomelohin’i Jehovah ho faty àry izy. Maty tokoa izy rehefa lasa babon’ny Filistinina ny Vata masina.​—1Sa 2:34; 4:4, 11, 17; jereo FINEHASA No. 2.