ILYRIKIONA

(Ilyrikiòna).

Faritany romanina, teo amin’ny ilany avaratrandrefan’ny Saikinosy Balkanika, teo amin’ny morontsiraky ny Ranomasina Adriatika. Niovaova ny sisin-taniny.

Resin’i Tiberio ny Panonianina sy ny Dalmatianina tamin’ny taona 9. Tamin’izay ny faritanin’i Ilyrikiona no nizara ho roa. Rehefa nandeha ny fotoana, dia lasa faritany roa ireo fizarana ireo, ka Dalmatia no niantsoana an’ilay faritany tany atsimo.

Nilaza ny apostoly Paoly ao amin’ny Romanina 15:19 fa tonga nitory “hatrany Ilyrikiona” izy. Rehefa jerena ny teny grika tany am-boalohany, dia tsy fantatra raha tena nitory tany Ilyrikiona i Paoly, na hoe tonga hatrany amin’ny sisin-tanin’i Ilyrikiona ny fitoriany.