JABALA

(Jabàla).

Taranak’i Kaina, sady zanakalahin’i Lameka sy Ada vadiny voalohany. (Ge 4:17, 19, 20) Milaza ny Baiboly fa i Jabala no “nipoiran’ny olona mipetraka an-tranolay izay manana biby fiompy.” Tsy izy no voalohany lasa mpiandry ondry, satria efa mpiandry ondry talohany i Abela. Azo inoana kosa fa i Jabala no mpiompy voalohany nifindrafindra monina, na izy no tena nisongadina teo amin’io sehatr’asa io. Angamba izy no namorona ny tranolay. Mora entina mantsy ny tranolay raha tsy maintsy mifindra rehefa lany ny vilona eo an-toerana.