JANOHA

(Janòha) [avy amin’ny fototeny midika hoe “miala sasatra; miorim-ponenana”].

1. Toerana teo amin’ny sisin-tanin’i Efraima. Maro no mihevitra azy io ho i Kirbet Yanona, tokony ho 20 km any atsimoatsinanan’i Samaria.​—Js 16:5-7.

2. Tanànan’ny fanjakan’ny foko folo, ary azon’i Tiglato-pilesera III, tamin’ny andro nanjakan’i Peka (t. 778-759 T.K.). Natao sesitany tany Asyria ny mponina tany. (2Mp 15:29) Tsy fantatra ny tena toerana nisy an’i Janoha. Misy milaza azy io ho i Yanoha, tokotokony ho 10 km any atsinanan’i Tyro. Tany andrefana lavitra loatra anefa no nisy an’io toerana io, raha ampitahaina amin’ireo tanàna hafa resahin’ny 2 Mpanjaka 15:29. Manam-pahaizana maro àry no milaza an’i Janoha ho i Tell en-Naʽmeh, tokony ho 10 km any avaratratsinanan’i Kedesy, any Galilia.