FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • it-2 “Joela”
  • Joela

Tsy misy video mifandray amin’io.

Miala tsiny fa tsy mety miseho ilay video.

  • Joela
  • Fandalinana ny Soratra Masina, Boky 2
  • Mitovitovy Aminy
  • Boky ao Amin’ny Baiboly Faha-29 — Joela
    “Ny Soratra Rehetra dia Ara-tsindrimandrin’Andriamanitra Sady Mahasoa”
  • Nitoky Kokoa Tamin’i Jehovah Izahay Noho ny Fitsapana
    Ny Tilikambo Fiambenana Manambara ny Fanjakan’i Jehovah—2010
  • Tahafo Ireo Mpaminany: Joela
    Ny Fanompoantsika Ilay Fanjakana—2013
  • Jerohama
    Fandalinana ny Soratra Masina, Boky 2
Hijery Hafa
Fandalinana ny Soratra Masina, Boky 2
it-2 “Joela”

JOELA

(Joèla).

[1-5, 7-14: I Jehovah no Andriamanitra]

1. Taranak’i Isakara, ary lohan’ny fianakaviambe teo amin’ny fokony.​—1Ta 7:1-4.

2. “Zanak’i Azaria” sady taranak’i Kehata zanak’i Levy, ary razamben’ilay No. 5.​—1Ta 6:36-38.

3. Robenita razamben’i Bera. Nanao sesitany an’i Bera i Tilgato-pilnesera (Tiglato-pilesera III) mpanjakan’i Asyria.​—1Ta 5:3-10.

4. Lohan’ny Gadita nonina tao Basana.​—1Ta 5:11, 12.

5. Lahimatoan’i Samoela mpaminany, ary taranak’ilay No. 2 sady rain’i Hemana Levita mpihira. (1Ta 6:28, 33, 36; 15:17) Notendren-drainy ho mpitsara i Joela sy Abia zandriny, saingy nanao ny tsy rariny ka naleon’ny vahoaka nangataka mpanjaka.​—1Sa 8:1-5.

Ny soratra nataon’ny Masoreta (sy ny Baiboly sasany) kosa milaza fa i “Vasny” no lahimatoan’i Samoela. (1Ta 6:28) “Joela” anefa no tao amin’ny soratra hebreo tany am-boalohany, hoy ny manam-pahaizana. “Joela” koa àry no ao amin’ny Peshitta syriàka sy ny Fandikan-teny Grikan’ny Fitopolo (fanontana Lagarde; ampit. 1Sa 8:2.) Mety ho voadingan’ny mpanao dika soratra ilay hoe “Joela”, satria mitovitovy izy io sy ny faran’ilay teny hoe “Samoela” eo alohany. Mety ho noheveriny ho anaran-tsamirery hoe “Vasny” àry ny teny hebreo hoe vehashsheni (midika hoe ‘ary ny [zanany] faharoa’), ka nasiany litera vav (ary) teo alohan’ilay hoe Abia.

6. Iray tamin’ireo miaramila mpiady tonga tany amin’i Davida tany Ziklaga. Zanakalahin’i Jerohama avy any Gedora izy.​—1Ta 12:1, 7.

7. Rahalahin’i Natana, ary anisan’ny lehilahy maherin’i Davida.​—1Ta 11:26, 38.

8. Levita Gersonita mpiadidy. Zanakalahin’i Jehiela (Jehiely) izy, ary anisan’ny fianakaviamben’i Ladana. (1Ta 23:7, 8; 26:22) Nanamasina ny tenany izy sy ny rahalahiny 130, rehefa hitondra ny Vata misy ny fifanekena tany Jerosalema. (1Ta 15:4, 7, 11-14) Voatendry hiandraikitra ny zava-tsarobidin’ny toerana masina izy sy Zetama rahalahiny, tatỳ aoriana.​—1Ta 26:21, 22.

9. Zanakalahin’i Pedaia, ary andrianan’ny faritanin’i Manase tany andrefan’i Jordana, tamin’ny andron’i Davida Mpanjaka.​—1Ta 27:20-22.

10. Zanakalahin’i Petoela, ary mpaminanin’i Jehovah nanoratra ny boky mitondra ny anarany.​—Jl 1:1; jereo JOELA, BOKIN’I.

11. Levita Kehatita zanakalahin’i Azaria. Rehefa navoakan’ny mpisorona ny zavatra maloto tao an-tempoly, dia anisan’ireo nanary an’ireny tany amin’ny Lohasahan’i Kidrona izy, tamin’ny taona voalohany nanjakan’i Hezekia.​—2Ta 29:1, 3, 12, 15, 16.

12. Anisan’ireo mpiadidy simeonita naka an-keriny ny tanin’ny Hamita sy Meonita mba hanitarany ny tanimbilony, tamin’ny andron’i Hezekia.​—1Ta 4:24, 35, 38-41.

13. Anisan’ny taranak’i Nebo. Nandroaka ny vadiny hafa firenena sy ny zanany izy ireo, tamin’ny andron’i Ezra.​—Ezr 10:43, 44.

14. Zanakalahin’i Zikry, ary mpiandraikitra ny Benjamita nonina tao Jerosalema tamin’ny andron’i Nehemia Governora.​—Ne 11:4, 7-9.

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara