KAMONA

(Kamòna).

Toerana nandevenana an’i Jaira Mpitsara. (Mpts 10:5) Lazain’i Josèphe fa “tanàna tany Gileada” i Kamona. (Rakitry ny Ela Jiosy, V, 254 [vii, 6]) Izany dia toa mifanaraka amin’ny filazan’ny Soratra Masina hoe “Gileadita” i Jaira. (Mpts 10:3) Toerana roa tany atsinanan’i Jordana no heverina fa Kamona: I Kamm sy Komeima. Tokotokony ho 18 km any atsimoatsinanan’ny Ranomasin’i Galilia i Kamm. Porofoin’ireo zavatra sisa tavela ao anefa fa tsy nisy mponina tao talohan’ny andron’ny Romanina. Tokotokony ho 3 km any atsimo kokoa kosa i Komeima. Kely kokoa ireo zavatra sisa tavela tao ary tsy fantatra ny fotoana nisian’izy ireo.