MAHASEIA

(Mahaseià).

[1-7, 9-21: Asan’i Jehovah]

1. Levita mpitendry zavamaneno, tao amin’ny fizarana faharoa. Nitendry lokanga izy rehefa nalaina avy tao an-tranon’i Obeda-edoma ho any Jerosalema ny Vata masin’i Jehovah, tamin’ny andron’i Davida.​—1Ta 15:17-20, 25.

2. Anisan’ny “lehiben’ny zato” nanao fifanekena tamin’i Joiada Mpisoronabe, rehefa hasolo an’i Atalia mpandrombaka fahefana i Joasy, izay nanan-jo hanjaka tao Joda.​—2Ta 23:1.

3. Mpiadidy lefitra teo ambany fifehezan’i Hanania, izay anisan’ny andrianan’i Ozia mpanjakan’ny Joda. Nosoratany ny isan’ny miaramilan’i Ozia.​—2Ta 26:11.

4. “Zanaky ny mpanjaka” (zanak’i Ahaza mpanjakan’ny Joda, na mety ho olona ambony tarana-mpanjaka) novonoin’i Zikry Efraimita, rehefa notafihin’i Peka mpanjakan’ny Israely i Joda.​—2Ta 28:1, 6, 7.

5. Lehiben’ny tanànan’i Jerosalema, ary anisan’ireo nirahin’i Josia Mpanjaka hanamboatra ny simba tamin’ny tranon’i Jehovah.​—2Ta 34:8.

6. Mpisorona rain’ilay Zefania niara-belona tamin’i Jeremia.​—Je 21:1; 29:25; 37:3.

7. Rain’i Zedekia mpaminany sandoka tamin’ny andron’i Jeremia.​—Je 29:21.

[8: Fialofana i Jah]

8. Razamben’i Baroka mpiara-miasa tamin’i Jeremia, sy razamben’i Seraia mpiandraikitra ny sakafon’ny miaramila.​—Je 32:12; 51:59.

9. Levita zanakalahin’i Saloma mpiandry varavarana. Nisy efitra fisakafoan’izy io tao amin’ny tempoly.​—Je 35:4.

10. Taranaka mpisorona avy tamin’ny fianakaviamben’i Jesoa. Anisan’ireo nanambady vehivavy hafa firenena izy, nefa nandroaka an’ireny tamin’ny andron’i Ezra.​—Ezr 10:18, 19, 44.

11. Mpisorona “avy tamin’ny taranak’i Harima”, ary anisan’ny nanambady vehivavy hafa firenena, nefa nandroaka an’ireny tamin’ny andron’i Ezra.​—Ezr 10:21, 44.

12. Mpisorona “avy tamin’ny taranak’i Pasora”, ary anisan’ny nandroaka ny vadiny hafa firenena.​—Ezr 10:22, 44.

13. Israelita “avy tamin’ny taranak’i Pahata-moaba”, ary anisan’ny nandroaka ny vadiny hafa firenena koa.​—Ezr 10:25, 30, 44.

14. Ray na razamben’i Azaria, izay anisan’ny nanamboatra ny simba tamin’ny mandan’i Jerosalema, teo ambany fiadidian’i Nehemia.​—Ne 3:23.

15. Lehilahy nijoro teo ankavanan’i Ezra, tamin’izy namaky ny Lalàna tamin’ireo Israelita tafavory tao Jerosalema.​—Ne 8:2, 4.

16. Levita nanampy an’i Ezra mpisorona hanazava ny Lalàna tamin’ireo Israelita vory tao Jerosalema.​—Ne 8:7.

17. “Lohandohany [iray] teo amin’ny vahoaka.” Nanisy tombo-kase ny “fianianana” natao tamin’ny andron’i Nehemia izy, na ny taranany.​—Ne 9:38; 10:1, 14, 25.

18. Lehilahy anisan’ny fokon’i Joda nonina tao Jerosalema taorian’ny sesitany tany Babylona. (Ne 11:4, 5) Mety ho izy ihany ilay Asaia resahin’ny 1 Tantara 9:5.​—Jereo ASAIA No. 4.

19. Lehilahy anisan’ny fokon’i Benjamina, ary razamben’i Salo. Nonina tao Jerosalema izy, tamin’ny andron’i Nehemia.​—Ne 11:7.

20. Mpisorona anisan’ny nitokana ny mandan’i Jerosalema, tamin’ny andron’i Nehemia.​—Ne 12:41.

21. Mpisorona iray hafa nitokana ny mandan’i Jerosalema koa, tamin’ny andron’i Nehemia.​—Ne 12:42.