ASAIA

(Asaià) [Nanao i Jah].

1. Taranak’i Merary zanakalahy fahatelon’i Levy. Lohan’ny fianakaviambe avy amin’ny rainy izy. Anisan’ny lohandohany teo amin’ireo Levita 862 voafidy hitondra ny Vata misy ny fifanekena tany Jerosalema izy, rehefa nentin’i Davida tany fanindroany izy io, ka tody soa aman-tsara.​—1Ta 6:29, 30; 15:4-12.

2. Mpiadidy teo amin’ny fokon’i Simeona tamin’ny andron’i Hezekia Mpanjaka (745-717 T.K.). Izy no iray tamin’ireo Simeonita nandresy ny Hamita sy ny Meonita nonina teo amin’ny faritra nisy an’i Gedora, ary nahazo an’ilay lohasaha namokatra be tao.​—1Ta 4:36-41.

3. Iray tamin’ireo dimy lahy nirahin’i Josia Mpanjaka ary nantsoina hoe “mpanompon’ny mpanjaka.” I Hilkia no nitarika an’ireo iraka ireo mba hankany amin’i Holda mpaminanivavy ka hanontany an’i Jehovah, momba an’ilay bokin’ny Lalàna izay hita vao haingana (642 T.K.).​—2Mp 22:3, 8, 12-14; 2Ta 34:20, 21.

4. Lahimatoa tamin’ireo Silonita niverina avy tany an-tsesitany tany Babylona. (1Ta 9:1-3, 5) Misy mihevitra an’io Asaia io ho ilay Mahaseia “avy tamin’ny fianakavian’ny Selita” taranak’i Joda, resahin’ny Nehemia 11:5. Misy itoviany amin’ny an’i Asaia mantsy ny hevitry ny anarany izay midika hoe “Asan’i Jehovah.” Raha olona iray ihany ireo, dia taranak’i Sela zanak’i Joda faralahy tamin’i Soa Kananita, i Asaia.​—Ge 38:2, 5; jereo MAHASEIA No. 17.