NERGALA-SAREZERA

(Nergàla-Sarezèra) [avy amin’ny teny akadianina, ary midika hoe “Hiaro ny Mpanjaka Anie i Nergala”].

1. Andriana babylonianina tamin’ny andron’i Nebokadnezara.​—Je 39:3.

2. Andriana iray hafa nanana andraikitra lehibe tao amin’ny tafik’i Nebokadnezara, tamin’ny fotoana nandreseny an’i Jerosalema. Hafa noho ilay No. 1 izy io, satria nitondra ny anaram-boninahitra hoe Rabmagy. Anisan’ireo nandefa olona hanafaka an’i Jeremia io Rabmagy io.​—Je 39:3, 13, 14.

Mitovy amin’ilay anarana hita ao amin’ny soratra babylonianina (Nergal-shar-osor) ilay anarana hoe Nergala-sarezera. Nisy manam-pahaizana àry nanatsoaka hevitra fa i Neriglisara (ilay anarana amin’ny teny grika) io andriana io. Ilay Neriglisara nandimby an’i Evila-merodaka (Avila-mardoka) Mpanjaka, hono, izy io.​—Soratra Momba An’i Israely sy ny Tany Manodidina Azy, nataon’i J. Pritchard, 1974, p. 308.