VOANJOMBAZAHA

[Heb: bôtnah].

Voan’ny hazo Pistacia vera izay mihintsan-dravina, maniry amin’ny toerana maina, ary mahalana vao mihoatra ny 9 m. Maromaro ny voany (1,5 ka hatramin’ny 2 sm ny lavany) iray tangozany. Somary fotsy, manify nefa mafy ary misy hodiny miketronketrona kely ny akoran’ny voanjo matoy. Maitso mavo ilay voanjo misy hodiny manify somary mena. Mamimamy ilay izy, ary endasina na hanina manta. Fiazana hakana menaka koa ilay izy indraindray, na totoina hanaovana vatomamy.

Anisan’ny ‘vokatra tsara indrindra tamin’ny tany’ Kanana natolotry ny zanak’i Jakoba ho an’ilay mpitondra tany Ejipta io voanjo io. (Ge 43:11) Na izao aza mbola manondrana voanjombazaha be dia be ny Israely sy ny firenena manodidina azy.

Toa midika hoe voanjombazaha ny anaran-tanàna hoe Betonima tao amin’ny faritanin’i Gada, tany atsinanan’i Jordana.​—Js 13:24, 26.