FAMERENANA AMIN’NY LAONINY

Resahin’ny Asan’ny Apostoly 3:20, 21 hoe “fotoana hamerenana ny zava-drehetra amin’ny laoniny [endriny hafa amin’ny hoe apôkatastasis (gr.)], dia ilay fotoana nampilazain’Andriamanitra ny mpaminaniny masina”, ny fiverenan’i Kristy.

Nadikan’ny Fandikan-teny Protestanta hoe “fampodiana” eo ny hoe apôkatastasis, izay avy amin’ny hoe apô, midika hoe “miverina” na “indray”, sy hoe katistemi, midika ara-bakiteny hoe “mametraka.” Nadika hoe ‘mampody’ ilay matoanteny ao amin’ny Asan’ny Apostoly 1:6. Midika hoe “fampodiana ho toy ny tamin’ny voalohany” ilay teny. (Diksionera Teolojikan’ny Testamenta Vaovao nataon’i G. Kittel ary nadikan’i G. Bromiley, 1964, Boky I, p. 389) Io teny io no nilazan’i Josèphe, Jiosy mpahay tantara, ny nodian’ny Jiosy avy tany an-tsesitany, sy nilazan’ny taratasy papyrus ny fanamboarana trano simba sy famerenana tany na volan’olona.

Tsy resahin’ilay andininy hoe inona ireo “zava-drehetra” haverina amin’ny laoniny. Ilaina dinihina àry ny faminaniana mba hahafantarana azy ireo.