SIMEONITA

(Simeônìta) [An’i Simeona].

Ireo taranak’i Simeona zanakalahy faharoa naterak’i Jakoba. Tsy nisy afa-tsy 22 200 ny lehilahy simeonita 20 taona no ho miakatra sy afaka niantafika, taorian’ny 40 taona teo ho eo nandehandehanan’ny Israelita tany an-tany efitra. Ny Simeonita no vitsy an’isa indrindra tamin’ireo foko 12. Nozaraina ho fianakaviana dimy lehibe izy ireo: Ny Nemoelita, ny Jaminita, ny Jakinita, ny Zerita, ary ny Saolita. (No 25:14; 26:1, 2, 12-14; Js 21:4; 1Ta 27:16) Enina anefa ny zanakalahin’i Simeona, satria zanany koa i Ohada. Raha nanana taranaka i Ohada, dia angamba vitsy kely izy ireo tamin’ny fanisam-bahoaka faharoa matoa tsy nisaina ho fianakaviana mitokana.​—Ge 46:10; Ek 6:15.