STEFANASY

(Stefanàsy) [avy amin’ny fototeny midika hoe “satroboninahitra; fehiloha”].

Kristianina matotra teo anivon’ny fiangonan’i Korinto (renivohitr’i Akaia, faritany romanina tany amin’ny faritra atsimon’i Gresy). I Paoly no nitory tany Akaia sy nanao batisa ny ankohonan’i Stefanasy, izay “voaloham-bokatra” tany. (1Ko 1:16; 16:15) Nitsidika an’i Paoly tany Efesosy i Stefanasy sy ny rahalahy roa avy tao Korinto, dimy taona teo ho eo taorian’izay (taona t. 55). Mety ho izy ireo no nampahafantatra azy ny toe-javatra mampalahelo, izay nahatonga azy hanoratra ny taratasiny voalohany ho an’ny Korintianina. (1Ko 1:11; 5:1; 11:18) Mety ho izy ireo koa no nampitondrainy azy io.​—1Ko 16:17.