SYRAKOSA

(Syrakòsa).

Tanàna teo amin’ny morontsiraka atsimoatsinanan’i Sisila. Siracusa no iantsoan’ny Italianina azy io ankehitriny, ary misy seranana tsara ao. Nilaza i Thucydide fa nisy Grika nipetraka tany Syrakosa, tamin’ny taonjato faha-8 T.K.

Nijanona telo andro tao Syrakosa ny apostoly Paoly, rehefa nadiva hifarana ny diany nankany Roma (t. 59). Tsy maintsy nijanona tao angamba izy ireo, satria nila niandry ny rivotra hitsoka mba hanosika an’ilay sambo nandehanany. (As 28:12) Niala tao Syrakosa ilay sambo ary “nihodidina” ka tonga tao Regioma, teo amin’ny tendrony atsimon’i Italia. Tsy fantatra ny tena dikan’ilay hoe “nihodidina.” Angamba nanaraka lalana miolika ilay sambo rehefa niala ny morontsiraka, mba ho ampy tsara ny rivotra hanosika azy. Na angamba “nanara-morona” na ‘nanara-tsisiny’ ilay sambo mba hankanesana tany Regioma.​—As 28:13, DIEM, Kat.