MPANAO HODITRA

Olona mahay mikarakara hodi-biby mba hanovana azy io ho hoditra azo anaovan-javatra isan-karazany. (2Mp 1:8; Mt 3:4) Nokarakaraina tao amin’ny efitra iray na roa nisy fitaovana sy barìka ny hoditra fahiny, toy ny mbola fanao any atsinanan’ny Ranomasina Mediterane ihany. Ho fanomanana an’ilay hoditra, dia 1) nalona tao anaty ranon-tsokay izy io matetika mba tsy hiraikitra be ny volo taminy, 2) nesorina ny volo sy poti-kena ary tavin-kena tavela taminy, ary 3) nohosorana ranona hodi-kazo oaka na hoditry ny karazana maroavolona na zavamaniry hafa, ilay hoditra.

Nijanona “andro vitsivitsy tao Jopa” i Petera, “tao amin’i Simona mpanao hoditra”, teo amoron-dranomasina.​—As 9:43; 10:32.