TARTAKA

(Tartàka).

Andriamanitra nivavahan’ny Avita, izay nafindran’ny mpanjakan’i Asyria tany Samaria rehefa nataony sesitany ny Israelita tao amin’ny fanjakan’ny foko folo. (2Mp 17:31) Mitovy bika amin’ny ampondra i Tartaka, araka ny Talmoda babylonianina. (Synedriona 63b) Mety ho demonia tany amin’ny faritra ambany, hono, izy io satria mitovy amin’ilay teny pahlavi (persianina) hoe tar-tak (haizina mikitroka, mahery fon’ny haizina) ny hoe Tartaka. Ny Baiboly ihany no miresaka fohy momba azy io, fa tsy fantatra marina hoe andriamanitry ny inona izy.