TEMANITA

(Temanìta) [An’i Temana].

Olona avy any Temana tany Edoma. Avy any amin’ny “tanin’ny Temanita”, ohatra, i Hosama mpanjaka edomita. Temanita koa i Elifaza, iray tamin’izy telo lahy naman’i Joba. (Ge 36:31-34; Jb 2:11; 4:1; 42:7) Mety ho avy any Temana tany Edoma tokoa i Elifaza, satria tany akaikin’i Edoma i Oza, tany nonenan’i Joba. Misy manam-pahaizana anefa milaza fa mety ho avy any Tema, fa tsy Temana, i Elifaza. Faritra lonaka any an-tany efitra eo amin’ny Saikinosin’i Arabia i Tema, 400 km eo ho eo atsimoatsinanan’i Eziona-gebera.​—Jb 6:19.