ZAREDA

(Zarèda).

1. Tanàna niavian’i Jeroboama, mpanjaka voalohany teo amin’ny fanjakan’ny Israely tany avaratra. Izao no hany fantatra momba an’io toerana io: “Ary teo koa i Jeroboama zanak’i Nebata. Efraimita avy any Zareda izy.” (1Mp 11:26) Maro no milaza an’i Zareda ho i Deir Ghassana (any Efraima), ary mbola ahitana ny anarany ao amin’ny hoe ʽAin Seridah, loharano eo akaiky eo. Tokotokony ho 25 km any atsimoandrefan’i Sekema no misy azy io.

2. Toerana tany “amin’ny Faritr’i Jordana.” Voaresaka izy io ao amin’ny fitantarana momba ny fandrendrehana an’ireo fanaka varahina nampiasaina tao amin’ny tempoly naorin’i Solomona. (2Ta 4:17) Andininy mifanitsy amin’io ny 1 Mpanjaka 7:46, ary Zaretana no ao fa tsy Zareda. Mety ho fomba hafa nanoratana ny Zareda àry ny hoe Zaretana.​—Jereo ZARETANA.