Tsy tiany ny ho diso izany!

MAHERIN’NY 4 tapitrisa ny olona nanatrika ireo fivoriambe “Ny fahamarinan’ilay Fanjakana” tamin’ny taon-dasa, nalamin’ny Vavolombelon’i Jehovah. Nefa ho an’ny maro taminy dia tsy mora izany.

Araka izany dia Aostraliana telo amin’ny folo no nanofa fiaramanidina roa fitsangantsanganana tamin’ny vola 2 600 dôlara (na efa ho 200 000 ariary] ary nanidina teo ambonin’ny efitra maina sy tsy misy lalana, nahavita 1 200 kilaometatra, mba hanatrehana ny fivoriambe akaiky azy ireo indrindra.

Ny antokon’olona breziliana iray dia nisetra ny andro nafana, ny fahamandoana sy ny mokan’ala mikitrok’i Amazone nandritra ny 37 ora mba handray aotobisy ho any amin’ny toerana hanaovana ny fivoriambeny.

Ny kristiana valo any Guyane dia nandany fito andro an-dakana mba hahatongavana ao amin’ny hany fivoriambe nisy tao amin’ny taniny.

Nahoana? Satria io fivoriambe io dia iray amin’ireo fisehoan-javatra tena nanamarika ny taona, ka tapa-kevitra tokoa izy ireo fa tsy hisy zavatra hanakana azy ireo mihitsy tsy hanatrika izany.