Ny Sakafo Harivan’ny Tompo​—Inona Izy Io?

INONA no atao hoe Sakafo Harivan’ny Tompo, ary inona no dikan’izy io ho antsika ankehitriny? Misy miantso azy io koa hoe Fanasan’ny Tompo. Ho hitanao ao amin’ny rakipahalalana sy rakibolana sasany, fa io no sakafo nohanin’i Jesosy Kristy niaraka tamin’ny apostoliny, ny hariva talohan’ny nanaovany sorona ny ainy. Io no sakafo hariva farany nohaniny niaraka tamin’ny mpianany tsy nivadika. Mety ny iantsoana azy io hoe Sakafo Harivan’ny Tompo, satria i Jesosy Kristy Tompo no nanao azy io voalohany.

Maro no nanao sorona ny ainy, mba hanatratrarana zava-kendrena heveriny fa tena tsara. Nitondra soa tokoa ny sasany tamin’ireny fahafatesana ireny, ary mendri-piderana ireo olona feno fahafoizan-tena ireo. Tsy misy amin’ireny fahafatesana ireny anefa lehibe noho ny fahafatesan’i Jesosy Kristy. Ny azy ihany no mitondra vokany ho an’ny olona eran-tany, raha oharina amin’ny fahafatesana rehetra teo amin’ny fiainan’ny olombelona feno korontana. Nahoana?

Manasa anao izahay hamaky ny lahatsoratra manaraka, mba hahafantaranao ny valin’izany sy ny dikan’ny Sakafo Harivan’ny Tompo ho anao.