Hafatra Iray Amin’ny Fotoana Ilana Azy

Araka ny nambara tao amin’ny Ny Fanompoantsika Ilay Fanjakana volana Janoary 1993, ilay lahateny ampahibemaso manokana amin’ny vanin-taonan’ny Fahatsiarovana amin’ity taona ity dia hatao any amin’ny ankamaroan’ny kongregasiona ny alahady 28 Martsa. Ny hafatra tonga amin’ny fotoana ilana azy hoentin’izy io dia mitondra ny lohateny hoe “‘Ireo Asan’Andriamanitra’ — Ahoana no Fiheveranao Azy Ireo?” Tokony hanao ezaka manokana isika mba hanasa ireo olona liana rehetra. Ireo izay tonga amin’izany dia azo ampirisihina mba hanatrika ny fankalazana ny Fahatsiarovana amin’ny 6 Aprily.