FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • km 7/02 p. 1-3
  • Fandaharana Vaovaon’ny Fivoriamben’ny Faritra

Tsy misy video mifandray amin’io.

Miala tsiny fa tsy mety miseho ilay video.

  • Fandaharana Vaovaon’ny Fivoriamben’ny Faritra
  • Ny Fanompoantsika Ilay Fanjakana—2002
  • Mitovitovy Aminy
  • Fivoriambe nampitombo ny fitokisantsika an’i Jehovah
    Ny Tilikambo Fiambenana Manambara ny Fanjakan’i Jehovah—1988
  • Fandaharana Vaovao ho An’ny Fivoriamben’ny Fizaran-tany
    Ny Fanompoantsika Ilay Fanjakana—1995
  • Afaka Matoky An’ireo Rahalahinao Ianao
    Ny Tilikambo Fiambenana Manambara ny Fanjakan’i Jehovah (Fianarana)—2022
  • Antoky ny Fiainana Sambatra ny Fitokisana
    Ny Tilikambo Fiambenana Manambara ny Fanjakan’i Jehovah—2003
Hijery Hafa
Ny Fanompoantsika Ilay Fanjakana—2002
km 7/02 p. 1-3

Fandaharana Vaovaon’ny Fivoriamben’ny Faritra

1 Tsy maintsy matoky an’i Jehovah isika raha te hiorina mafy amin’ny finoana, eto amin’ity tontolo miovaova ity. Ahoana no ampisehoantsika an’izany eo amin’ny fiainantsika isan’andro? Inona no vokatry ny fatokisana an’i Jehovah eo amin’ny fiainantsika manokana sy ny an’ny ankohonantsika? Ahoana no anampian’izy io antsika hanohitra ny fitaoman’ny tontolon’i Satana? Hamaly ireo fanontaniana ireo ny fandaharan’ny fivoriamben’ny faritra atao mandritra ny taom-panompoana 2003. Ny foto-kevitr’izy io dia hoe: “Matokia An’i Jehovah ka Manaova Soa.”—Sal. 37:3.

2 Tsy amin’ny fisehoan-javatra manokana na rehefa manana olana tsy voavaha ihany isika vao matoky an’i Jehovah. Hita taratra eo amin’ny lafiny rehetra amin’ny fiainantsika isan’andro kosa izany. Hanamafy izany ilay lahateny fanokafana hoe: “Matokia An’i Jehovah Mandrakariva.” (Sal. 62:8) Hisy koa fitohitohizan-dahateny hoe: “Fampisehoana Fatokisana An’i Jehovah.” Hasehon’izy io amintsika ny fomba hitadiavana sy hampiharana ny torohevitry ny Baiboly mba hanorenana fanambadiana vanona, handaminana ny olana ao an-tokantrano, ary hahazoana izay ilaina amin’ny fivelomana.

3 Manery antsika mba hanana hevi-diso momba izay tsara sy ratsy ny tontolon’i Satana. Ataony koa izay tsy hahitantsika tsara hoe inona no tokony ho loha laharana. (Isaia 5:20) Hisy lahateny roa hanampy antsika mba ho tapa-kevitra tsara kokoa hanaraka hatrany ny fitsipika ambony omen’i Jehovah momba izay tsara sy ratsy. Ny lohatenin’izy ireo dia hoe: “Halaviro ny Zava-poana eo Amin’ny Fiainana” sy hoe: “Halaviro ny Ratsy, ka Manaova ny Tsara.”—Amosa 5:14.

4 Mila matoky tanteraka an’i Jehovah ny mpanompony rehefa hamarana ity tontolo ratsy ity izy. Hanasongadina izany ilay lahateny ho an’ny besinimaro hoe: “Tsy ho Ela ny Famonjena Amin’izao Fahoriana Izao.” Hasaina handini-tena isika avy eo mandritra ilay lahateny hoe: “Ho Mendrika ny Fanjakan’Andriamanitra ve Ianao?” Hampirisika antsika toy izao ny lahateny farany: “Matokia ny Fampanantenan’i Jehovah.”

5 Ny lahatenin’ny batisa no zava-misongadina indrindra isaky ny fivoriambe. Izay maniry hatao batisa dia tokony hiresaka amin’ny mpiandraikitra mpitantan-draharaha, haingana araka izay azo atao, mba hikarakarana izay zavatra ilaina hatao.

6 I Jehovah irery ihany no azo itokisana sy ianteherana amin’izao fotoana tsy misy mahalala ny ampitso izao. (Sal. 118:8, 9) Enga anie isika rehetra ka hanatanjaka ny fatokisantsika azy, amin’ny fanatrehana hatramin’ny farany an’io fandaharan’ny fivoriamben’ny faritra io.

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara