Fomba Fanolorana Gazety

Ny Tilikambo Fiambenana 15 Jona

“Voamarikao ve fa samy mifidy izay fitsipika arahiny momba ny tsara sy ratsy ny olona ankehitriny? [Avelao izy hamaly.] Misy fitsipika tena tsara anefa ao amin’ny Baiboly, ary tsy mety lany andro izy ireny. Ity, ohatra, misy iray. [Mamakia andinin-teny iray eo amin’ilay efajoro eo amin’ny pejy 6-7] Hazavain’ity gazety ity ny soa raisintsika raha manaraka ny fitsipi-pitondran-tena ao amin’ny Baiboly isika.”

Mifohaza! Jona

“Mila vola isika rehetra mba hivelomana. Voamarikao ve anefa fa variana loatra mitady vola ny olona sasany? [Avelao izy hamaly.] Inona no vokany raha variana mitady harena isika? Jereo ange ity andinin-teny ity e! [Vakio 1 Timoty 6:10.] Manome soso-kevitra vitsivitsy hanampy antsika hanatsotra ny fiainantsika sy hianina amin’izay vola azontsika ity gazety ity.”

Ny Tilikambo Fiambenana 1 Jolay

“Ampijalin’ny mpiara-belona aminy ny olona sasany satria hafa foko na firenena na fiteny. Efa mba nieritreritra ve ianao hoe inona no mahatonga izany? [Avelao izy hamaly.] Ity misy antony iray. [Vakio 1 Jaona 4:20.] Valiana ato amin’ity gazety ity ny fanontaniana hoe: ‘Ho foana ihany ve ny fanavakavahana?’ ”

Mifohaza! Jolay

“Afaka mifidy izay fitsipi-pitondran-tena tiany harahina ny olona, fa tsy toy ny biby izay tarihin’ny fahaizany voajanahary. Aiza, araka ny hevitrao, no hahitantsika tari-dalana azo itokisana? [Avelao izy hamaly, ary vakio ny Salamo 119:105.] Hazavain’ity gazety ity hoe nahoana no tsy manan-tsahala ny tari-dalana ao amin’ny Baiboly.”