Fampahatsiahivana Momba ny Fahatsiarovana

Tokony hijery akaiky an’ireto lafin-javatra manaraka ireto ny anti-panahy:

◼ Aza ampandalovina ny mofo sy divay, raha tsy aorian’ny filentehan’ny masoandro.

◼ Tokony hatao vonona ilay karazana mofo sy divay ilaina.—Jereo Ny Tilikambo Fiambenana 15 Febroary 2003, pejy 14-15.

◼ Tokony hoentina mialoha any amin’ilay toeram-pivoriana ny vilia sy vera, latabatra sy lamban-databatra mety tsara, ka hapetraka eo amin’ny toerany.

◼ Tokony hodiovina tsara mialoha, ny Efitrano Fanjakana na ny toerana hanaovana an’ilay fankalazana.

◼ Tokony hofantenana sy homena toromarika mialoha momba ny andraikiny sy izay tokony hataony, ireo mpikarakara ny mpanatrika sy mpanolotra ny mofo sy divay. Tokony hampahatsiahivina izy ireo mba hanao fitafiana sy taovolo mendrika.

◼ Tokony hanao fandaharana ny anti-panahy mba hitondrana mofo sy divay ireo Kristianina voahosotra efa osa, izay tsy afaka manatrika.

◼ Tokony hifandamina tsara ireo fiangonana, raha mihoatra ny iray ny fankalazana hatao ao amin’ny Efitrano Fanjakana iray. Tsy hitangorona eo amin’ny vavahady na lalantsara na sisin-dalana na parking ny olona amin’izay.

◼ Raha tsy ao amin’ny Efitrano Fanjakana no hanaovana ilay fankalazana, dia ataovy mety tsara ny fanamafisam-peo, mba handre tsara daholo ny mpanatrika.