Taratasy avy Amin’ny Sampana

Ry mpitory ilay Fanjakana,

Tena miavaka ity taona ity ho antsika vahoakan’i Jehovah eto Madagasikara! Faly be ny fianakavian’ny Betela rehefa nilazana fa nahatratra roa alina mahery ny isan’ny mpitory. Tampon’isa vaovao izany! Iray alina monja mantsy ny isan’ny mpitory teto, sivy taona lasa izay.

Nitombo koa ny isan’ny gazety voapetraka, tamin’ny taom-panompoana lasa. Mihamaro hatrany ny olona maniry hahazo ny gazetintsika. Iray isan’andro eo ho eo ny olona manafatra gazety atỳ amin’ny biraon’ny sampana. Milaza ireo rahalahy nitsidika an’ireny olona ireny, fa nanomboka nianatra Baiboly ny antsasany mahery tamin’izy ireny. Nisy aza nanatrika fivoriana, iray na roa volana monja taorian’ny nanombohany nianatra.

Nanoratra toy izao ny raim-pianakaviana iray any Fandriana: “Tantsaha aho ary manan-janaka valo. Te hahazo boky sy gazety toy ny Mifohaza! aho. Tsy mba mahita an’izy ireny mantsy izahay atỳ ambanivohitra atỳ. Raha mba sendra mahita iray aza izahay, dia efa tonta be sy maloto ary simba ilay izy, satria efa avy novakin’olona maro be.”

Tena mankasitraka ny boky sy gazety omen’i Jehovah ny olona! Enga anie isika rehetra mba ho toy izany koa, ka tsy hazoto hizara azy ireny fotsiny, fa hanokana fotoana hamakiana ny torohevitra raketiny sy hampihatra izany.

Ireo rahalahinareo,

Biraon’ny Sampana eto Madagasikara