Valin’ny Fanontanianareo

◼ Inona no tokony hataonao raha misy manam-pahefana mandrara anao tsy hitory?

Misy polisy manatona mpitory mbola eo am-pitoriana indraindray, ary milaza fa mandika lalàna ireo mpitory ka rarany tsy hitory. Inona no tokony hatao amin’izay? Manehoa fanajana ka mialà avy hatrany eo amin’ilay faritany. (Mat. 5:41; Fil. 4:5) Aza miezaka ny handamina irery an’ilay olana, ka hoe hanazava momba ny zo ara-dalàna ananantsika. Mahaiza mandanjalanja ka ataovy izay hahalalana ny anaran’ilay polisy sy ny birao iasany, raha mety. Ampahafantaro avy hatrany an’ireo anti-panahy ilay zava-nitranga, avy eo. Izy ireo indray no hilaza izany any amin’ny biraon’ny sampana. Ahoana kosa raha mandroaka anao ny tompon’andraikitry ny tanàna iray misy trano maromaro na trano lehibe misy rihana maromaro? Araho avy hatrany izay lazainy ary ilazao ny anti-panahy. Tena hisoroka olana isika, raha malemy fanahy sy manetry tena rehefa mifampiresaka amin’ny manam-pahefana.—Ohab. 15:1; Rom. 12:18.