Asehoy Dieny eo Am-pitoriana ny Fomba Fianarana Baiboly
Manasa ny olona hianatra Baiboly isika, nefa milaza ny sasany fa tsy liana na koa hoe efa mianatra Baiboly izy any am-piangonany. Tsy fantany hoe tena ianaran-javatra sy mahafinaritra ny fampianarana Baiboly ataontsika, satria izay tany amin’ny fivavahany ihany no fantany. Tsara àry raha asehontsika vetivety ny fanaovana an’ilay fianarana, dieny eo am-pitoriana, fa tsy hoe asaintsika hianatra fotsiny ilay olona. Toy ny olona mahay mahandro isika amin’izay, ka mitondra sakafo handraman’ilay olona avy hatrany, fa tsy milaza fotsiny hoe hiverina hitondra an’ilay izy amin’ny manaraka. Ahoana no hanaovana izany ao anatin’ny minitra vitsivitsy? Ity misy soso-kevitra avy ao amin’ny Fanompoantsika Ilay Fanjakana, Janoary 2006, pejy 6:
“Heverinao ve fa ho tanteraka ireto teny ireto indray andro any? [Vakio ny Isaia 33:24, ary avelao ilay olona hamaly.] Mahaliana izay resahin’ity boky ity momba izany.” Omeo an’ilay olona ny boky Ampianarina, ary asehoy azy ny fehintsoratra faha-22, eo amin’ny pejy 36. Apetraho ny fanontaniana erỳ ambany, ary asaivo mitady ny valiny izy, eo am-pamakianao ny fehintsoratra. Apetraho indray ilay fanontaniana, ary henoy ny valin-teniny. Mamakia andinin-teny hafa. Mametraha fanontaniana hovaliana amin’ny manaraka, ary manomeza fotoana voafaritra tsara mba hiverenana. Nanomboka fampianarana Baiboly sahady ianao!